Supracoŭnikami adździeła kryminalnaha vyšuku Savieckaha RUUS Minska zatrymany dva dzieviacikłaśniki adnoj sa staličnych škoł. Padletki padazrajucca ŭ sieryi rabavańniaŭ.
Jak paviedamili ŭ adździele infarmacyi i hramadskich suviaziaŭ HUUS Minharvykankama, ź lutaha pa krasavik školniki ŭčyniali napady na babul, jakija handlavali siemkami i cyharetami. Vyručku piensijanierak dzialili papałam, a cyharety pradavali ŭ škole ŭdvaja tańniej.
Złamyśniki raźličvali, što paciarpiełyja nie buduć źviartacca ŭ milicyju, pakolki , niezakonna handlujučy, sami parušali zakon.
Padazronyja vychoŭvalisia va ŭdałych siemjach. Na hety momant ustanoŭleny čatyry epizody złačynnaj dziejnaści školnikaŭ: dva na terytoryi Savieckaha i dva nie terytoryi Pieršamajskaha rajonaŭ stalicy. Nie vyklučajecca, što ich moža być bolš.
Adździełam daznańnia papiaredniaha rasśledavańnia Savieckaha RUUS raspačata sprava pa č. 2 art. 206 Kryminalnaha kodeksa (rabavańnie).
