Dyscyplinarny kamitet Biełaruskaj fiederacyi futboła pieranios na 6 maja razhlad pytańnia ab nacysckim baniery, jaki źjaviŭsia ŭ siektary fanataŭ minskaha «Dynama» na matčy suprać «Viciebska» 28 krasavika.
Pavodle źviestak pres‑słužby BFF, na pasiadžeńni 3 maja kamitet «pryniaŭ rašeńnie zapytać dadatkovuju infarmacyju».
Padčas matču na trybunie byŭ vyviešany banier, jaki prasłaŭlaŭ adnaho z hałoŭnych vajennych złačyncaŭ Rudolfa Hiesa, jaki byŭ pryhavorany da pažyćciovaha źniavoleńnia.
Staršynia dyscyplinarnaha kamiteta Biełaruskaj fiederacyi futboła Uładzimir Vituška zajaviŭ, što heta — «aburalny vypadak nie tolki dla futbolnaj hramadskaści, ale i dla ŭsiaho biełaruskaha hramadstva». «Buduć pryniatyja samyja surjoznyja miery ad arhanizataraŭ i ŭdzielnikaŭ hetaha mierapryjemstva. Hetym zaraz zojmucca i pravaachoŭnyja orhany. Jany vyjaviać vykanaŭcaŭ hetaj akcyi», — pryvodzić słovy Vituški pres‑słužba BFF.
Pavodle jaho słoŭ, pamier sankcyj moža skłaści da 10.000 bazavych vieličyniaŭ — 350 młn. rubloŭ.
