28 krasavika na pašyranym pasiadžeńni praŭleńnia Nacyjanalnaha banka było vyrašana ciaham druhoha kvartała źnizić staŭku refinansavańnia da jaje vierchniaj miažy, praduhledžanaj Asnoŭnymi napramkami hrašova‑kredytnaj palityki Biełarusi na 2010 hod (heta značyć 12% hadavych).
5 maja Nacbank pryniaŭ pastanovu №141, pavodle jakoha z 12 maja staŭka refinansavańnia źnizicca na 0,5 pracentnych punkta da 12% hadavych.
U hałoŭnym banku krainy ličać, što «heta pavysić dastupnaść kredytnych resursaŭ dla haspadarčych subjektaŭ i stvoryć ŭmovy dla paskareńnia rostu ekanomiki».
Nahadajem, što papiaredniaje źnižeńnie staŭki refinansavańnia było zroblena Nacbankam 19 krasavika — z 13% da 12,5% hadavych.
Hałoŭny bank krainy paśladoŭna źnižaje staŭku refinansavańnia z 1 śniežnia 2009 hoda, kali jana stała 13,5%.
Da hetaha momantu Nacbank tolki ŭzmacniaje pracentnuju palityku. U 2008 hodzie staŭka refinansavańnia pavyšałasia piać razoŭ: 1 lipienia (z 10% da 10,25%), 13 žniŭnia (da 10,5%), 15 kastryčnika (da 10,75%), 12 listapada (da 11%) i 17 śniežnia (da 12%).
8 studzienia 2009 hoda staŭka była padvyšanaja Nacbankam adrazu na 2 pracentnyja punkty — z 12 da 14% hadavych.
U Rasii staŭka refinasavańnia składaje 8%.
