Adkryćcio pomnika Stalinu ŭ Zaparožžy. Fota Reuters.
«Chronika pikirujučaha buldozera» — tak nazvaŭ śpis padziejaŭ pieršych tydniaŭ praŭleńnia Janukoviča viadomy ŭkrainski žurnalist Andrej Šaŭčenka. U svajoj publikacyi na sajcie «Ukrainskaj praŭdy» jon sabraŭ tolki fakty: sumnieŭnaje farmavańnie ŭradavaj kaalicyi, publičnaje admaŭleńnie Janukovičam Haładamoru jak hienacydu ŭkrainskaha narodu, praciah na 25 hadoŭ znachodžańnia rasiejskaha flotu ŭ Sievastopali, pryznačeńnie ministram adukacyi Dźmitryja Tabačnika, jakoha ličać ukrainafobam, viartańnie na pasady adyjoznych fihur kučmaŭskaha peryjadu, uznaharoda Janukovičam Fidela Kastra, spynieńnie spravy ab atručvańni Juščanki, šmatlikija ekanamičnyja i palityčnyja sastupki Rasiei… Śpis hety na niekalki staronak i sumnaja vysnova Andreja Šaŭčenki nastupnaja:
«Heta nia prosta dva miesiacy, jakija źmianili krainu, heta machavik, jaki raskručvajecca i biaźlitasna truščyć usie, što my ličym Ukrainaj. Heta mašyna času, jakaja pavodle adčuvańniaŭ adkinuła nas u 2004 albo navat u 1991 hod». Niekatoryja palitolahi ŭžo nazyvajuć hety praces «biełarusizacyjaj Ukrainy».
Kijeŭski žurnalist Michaił Bialecki pierš za ŭsio źviartaje ŭvahu na zrazumieły biełarusam praces «intehracyi» Ŭkrainy z Rasiejaj: «U vočy adrazu kidajecca, što vielmi aktyŭna jdzie zbližeńnie na «rasiejskim froncie. U stratehičnym planie heta nia nadta dobra, bo heta abmiažoŭvaje našyja maneŭry ŭ eŭrapiejskaj intehracyi, jakaja ŭžo vielmi istotna zapavoliłasia». Aprača taho spadar Biłećki kaža, što źjavilisia sproby ŭradu zvuzić sfery vykarystańnia ŭkrainskaj movy.
Ź liku samych apošnich padziej va Ŭkrainie — ustalavańnie pomnika Stalinu ŭ Zaparožžy i kalektyŭnyja zajavy žurnalistaŭ telekanałaŭ «1+1» i STB pra ŭviadzieńnie ŭłaśnikami telekanałaŭ palityčnaj cenzury na karyść uładaŭ. Svaboda słova va Ŭkrainie, jakoj tak hanaryŭsia prezydent Juščanka, za niekalki miesiacaŭ pastaŭlenaja pad sumnieŭ.Z zaklikam nie dapuścić hetaha ŭžo vystupiła mižnarodnaja arhanizacyja «Reparciory biaź miežaŭ».
Pakul što klasyčnaj centralizavanaj cenzury va Ŭkrainie niama, kaža spadar Bialecki:
«Taho, što kaliści było, što ŭ nas nazyvałasia „temnikami“, jakija hałoŭnyja redaktary atrymlivali sa śpisam tem, jakija temy treba aśviatlać, a jakija — nie, to možna skazać, što hetaha jašče niama. Centralizavana».
Michaił Bialecki kaža, što za dva miesiacy prezydenctva Viktar Janukovič stvaryŭ svaju vertykal ułady — pavodle lakałaŭ Pucina ci Łukašenki, dajšoŭšy da ŭzroŭniu rajonaŭ, dzie ciapier kirujuć nabližanyja da jaho albo Partyi rehijonaŭ ludzi:
«Heta zakranuła miascovuju milicyju, padatkovuju inspekcyju i
Ci jość va ŭkrainskim hramadztvie siły supraćstajać aŭtarytarnym tendencyjam?
«Mnie padajecca, što jašče nia stvoranyja ŭmovy dla chvali narodnaha abureńnia. I samaje hałoŭnaje, što kali apazycyja budzie zacyklivacca na momantach, źviazanych z ułasnym liderstvam i ŭłasnym śledam u historyi, jak heta robicca ciapier, to ŭ pryncypie nia budzie adzinaha kaardynujučaha centra, jaki vioŭ by tłumačalnuju pracu».
Michaił Bialecki vykazvaje spadzieŭ, što i dla Janukoviča dy jaho ludziej jość peŭnaja miaža, jakuju jon nie pierastupić — dziaržaŭny suverenitet Ukrainy. A tym časam Janukovič užo zahadaŭ padrychtavać prajekt źmienaŭ ŭ Kanstytucyju krainy, a viadomyja pradstaŭniki ŭkrainskaj intelihiencyi zaklikali stvarać Narodny kamitet vyratavańnia.
