U hety momant prachodzić vobysk u pryvatnym domie ŭ Rečycy, u jakim aranduje pamiaškańnie Homielskaja abłasnaja arhanizacyja Partyi BNF.
Jak paviedamiŭ staršynia abłasnoj arhanizacyi partyi Valeryj Pucicki, vobysk prachodzić, chutčej za ŭsio, u miežach respublikanskaj represiŭnaj kampanii ŭładaŭ suprać aktyvistaŭ hramadzianskaj inicyjatyvy «Havary praŭdu!». «A mianie abšukvajuć, vierahodna, za kampaniju, bo aktyvistam «Havary praŭdu!» ja nie źjaŭlajusia. Što šukajuć, čamu — nieviadoma», — adznačyŭ Pucicki.
Nahadajem, u Homieli 18 maja prajšli vobyski ŭ aktyvistaŭ kampanii »Havary praŭdu!» Juryja Varoniežcava, Andreja Tołčyna i Valeryja Ślapuchina. U Rečycy 18 maja abšukali pradprymalnika, aktyvista kampanii «Havary praŭdu!» Aleha Šabienika. Milicyja kanfiskuje kampjutery, arhtechniku, drukavanuju pradukcyju, nośbity infarmacyi.
0
0
0
0
0
0
