Na dolu pieršaj krainy pryjšłosia 48% ad usiaho abjomu tavarazvarotu krainy ŭ pieršym kvartale hetaha hoda, ź Niderłandami hetaja dola składała 6,5%, z Ukrainaj — 6,4%.
Akramia taho, pavodle źviestak Minekanomiki, siarod asnoŭnych handlovych partnioraŭ našaj krainy — Hiermanija z 4,3% ad usiaho abjomu tavarazvarotu ŭ pieršym kvartale, Kitaj — 3,9%, Polšča — 3,8%, Brazilija — 1,9%, Złučanaje Karaleŭstva — 1,8%, Italija — 1,7%, Litva — 1,2%. Naohuł, za studzień—sakavik zarehistravanyja abjomy ekspartna‑impartnych apieracyj Biełarusi sa 160 krainami śvietu: tavary pastaŭlalisia na rynki 126 dziaržaŭ, impartavałasia pradukcyja, vyrablenaja ŭ 135 krainach.
Z ahulnaha abjomu ekspartu krainy na dolu Rasii prychodziłasia 38,5%, astatnich krain Sadružnaści — 12%, krain ES — 32,2%, astatnich krain — 17,3%. Impart z Rasii skłaŭ 55,8 % ad ahulnaha abjomu impartu, astatnich krain SND — 5,9%, krain ES — 20,4%, astatnich krain — 17,9%.
