Dva maładyja homielcy byli źbityja i abrabavanyja ŭ centry horadu. Hetaja padzieja maje nia tolki kryminalny charaktar, pakolki pryčynaj złačynstva stali majki i znački z symbolikaj nacyjanalnaha ruchu «Za svabodu».
Milicyja raspačała kryminalnuju spravu pa fakcie razbojnaha napadu. Paciarpiełyja – 17-hadovy student i 22-hadovy supracoŭnik tralejbusnaha parku – pakul nie nazyvajuć svaje imiony dla žurnalistaŭ, pakolki zaścierahajucca, što pravaachoŭnyja vorhany z achviaraŭ zrobiać ich złaŭmyśnikami.
Jak raspavioŭ radyjo siabra adnaho z paciarpiełych, Ihar, dvoje nieviadomych mocnaha ciełaskładu ŭ čornych kapielušach padyšli da svaich achviaraŭ z pytańniem, što abaznačaje symbolika Za «svabodu» na ichniaj vopratcy. Paśla taho, jak maładziony admovilisia źniać majki i znački, złačyncy adpracavanymi ŭdarami pavalili ich na ziamlu i pačali źbivać.
Urešcie, zabraŭšy hrošy i mabilnyja telefony, nieviadomyja ŭciakli. Ciapier adzin z aktyvistaŭ znachodzicca ŭ špitali z raźbitymi vusnami i paškodžanymi zubami. Jak miarkuje jahony siabar Ihar, najbolš vierahodnaj pryčynaj napadu stałasia imknieńnie miascovych specsłužbaŭ zapužać palityčna aktyŭnuju moładź horadu. Razam z tym Ihar nie vyklučaje, što złačynstva mahli ździejśnić i ultrapravyja arhanizacyi prafašysckaha kštałtu, jakija apošnim časam aktyvizavalisia ŭ abłasnym centry.
