Vulica Smalačkova. Fota adredahavanaje.
Maciuki na ścianie doma №4 krasujucca ad minułych vychodnych.
Na domie №4 pa vulicy Smalačkova ŭ Minsku, akurat nasuprać adnaho z karpusoŭ špitala MUS, ad minułych vychodnych krasujecca niekalki niecenzurnych nadpisaŭ. U suviazi ramontam špitalnaha korpusu vulica na hetym učastku zakrytaja dla aŭtatranspartu. Ale nie dla piešachodaŭ: tut chodziać ludzi, u tym liku dzieci.
Cikava, jak doŭha b pratrymaŭsia na ścianie hetaha domu nadpis palityčnaha charaktaru? Praktyka pakazvaje, što padobnyja hrafici zmyvajuć tak chutka, što časam farba nie paśpiavaje vysachnuć. Akramia taho, za palityčnyja łozunhi na ścienach mohuć vielmi žorstka pakarać. Tak, u traŭni 2006 hoda Artur Finkievič sudom Pieršamajskaha rajonu Minska byŭ pakarany 2 hadami «chimii» za hrafici «My chočam novaha». Sud rascaniŭ heta, jak złosnaje chulihanstva. Vychodzić, što maciuki na ścianie doma na chulihanstva nie ciahnuć? Ci mo treba pavierch hetaha šedeŭra napisać «Svabodu Niaklajevu!», kab maciuki ŭrešcie źnikli?
