Ministerstva ekanomiki Biełarusi nakiravała ŭ Administracyju prezidenta płan mierapryjemstvaŭ pa dalejšaj libieralizacyi ekanomiki.Ab hetym siońnia na sieminary dla biełaruskich parłamientaryjaŭ, pryśviečanym padtrymcy i raźvićciu małoha i siaredniaha biźniesu, paviedamiŭ namieśnik ministra ekanomiki Anatol Fiłonaŭ.
U liku mierapryjemstvaŭ płana — udaskanaleńnie miechanizmaŭ pryvatyzacyi dziaržmajomaści, skaračeńnie pieraliku licenzujemych vidaŭ dziejnaści z 53 da 38. Akramia taho, mahčyma zvužeńnie śfiery dziaržrehulavańnia cen. Minekanomiki taksama pieradała i prapanovy pa Dyrektyvie numar 4.
Anatol Fiłonaŭ taksama paviedamiŭ, što dziakujučy mieram pa libieralizacyi płanujecca da 2015 hoda pavialičyć dolu małoha i siaredniaha biźniesu ŭ VUP da 30 pracentaŭ (u 2009‑m — 11,4 pracenta).
Na hety momant, pavodle danych Ministerstva pa padatkach i zborach, u krainie na ŭliku znachodziacca bolš jak 80,6 tys. subjektaŭ małoha pradprymalnictva (jurydyčnych asob). U paraŭnańni z anałahičnym pieryjadam 2009 hoda ich kolkaść uzrasła na 14,5 pracenta, a z pačatku hoda — na 2,5 pracenta. U śfiery małoha biźniesu pa vynikach 2009 hoda pracavała 20,4 pracenta ludziej, zaniatych u ekanomicy. U minułym hodzie subjekty małoha pradprymalnictva vyrabili 9,1 pracenta ad ahulnaha abjomu pramysłovaj vytvorčaści (u 2008‑m — 8,4 pracenta).
