Viena pryznana najlepšym horadam śvietu pavodle jakaści i ŭzroŭniu žyćcia. Pra heta śviedčyć rejtynh, składzieny upłyvovaj amierykanskaj kansałtynhavaj firmaj Mercer.
U rejtynhu za adpraŭny punkt prymajecca Ńju‑Jork, jakomu dajecca 100 bałaŭ, a ź im paraŭnovajucca inšyja pakazčyki. Dyk voś, sioleta Ńju‑Jork zaniaŭ 49‑ie miesca (100 bałaŭ). U Vieny — 108,6 bała. Zamykaje rejtynh — Bahdad, u jakoha tolki 14,7 bała.
Druhoje miesca dastałosia Ciurychu (Šviejcaryja), jaki raniej zajmaŭ pieršy radok, 3‑ie miesca — u Ženievy, potym iduć kanadski Vankuvier i novaziełandski Oklend.
U dziasiatku taksama ŭvachodziać niamieckija Dziusieldorf, Frankfurt-na Majnie i Miunchien (6, 7, 8-je miescy), šviejcarski Biern i aŭstralijski Sidniej.
Miescy z 11-ha pa 20-je: Kapienhahien (Danija), Vielinhtan (Novaja Ziełandyja), Amsterdam (Niderłandy), Atava (Kanada), Brusel (Bielhija), Taronta (Kanada), Bierlin (Niamieččyna), Mielburn (Aŭstralija), Luksiemburh, Stakholm (Šviecyja).
Paryž - na 34-m miescy, Łondan - na 39-m, Miłan - na 41-m,
Z haradoŭ Uschodniaj Jeŭropy — byłoha sacłahiera — lidziruje Praha, u jaje 70‑ty radok (94.8 bała). Pryčym ekśpierty zaznačajuć, što ŭzrovień žyćcia ŭ haradach Uschodniaj Jeŭropy pakrysie raście. U pieršaj sotni apynulisia Vilnia (79‑ie miesca), Talin — 89‑ie, Ryha — 91‑ie.
Stalica Biełarusi Minsk — na nizkim 185‑m radku (u rejtynh uklučanyja 221 horad). Tak, u Kijeva — 161‑ie miesca, Maskvy — 166‑ie, Pieciarburha — 170‑ie, Jerevana — 174‑ie, Ałmaty — 175‑ie.
Najhoršymi haradami dla žyćcia, aproč Bahdada, pryznanyja Tbilisi, Chartum (Sudan), Ndžamiena (Čad) i Banhi (Centralna‑Afrykanskaja respublika).
Jość taksama asobny śpis najbolš ekałahična čystych haradoŭ śvietu. U top-5 uvachodziać Kałhary (Kanada), Hanałułu (Havaji, ZŠA), Atava (Kanada), Chielsinki (Finlandyja), Vielinhtan (Novaja Ziełandyja).
U Jeŭropie ŭ śpis najbolš čystych haradoŭ uvachodziać Kapienhahien (8-je miesca ŭ śviecie), Osła (9-je), Stakholm (9-je), Niurnbierh (13-je).
