Biełaruskaja čyhunka z 30 maja ŭvodzić novy hrafik ruchu ciahnikoŭ, paviedamiŭ siońnia na pres‑kanfierencyi namieśnik načalnika adździeła pasažyrskaj słužby BČ Kanstancin Bajar.
Novym hrafikam praduhledžana pieramiaščeńnie na biełaruskaj mahistrali 110 par pasažyrskich ciahnikoŭ, ź jakich 79 — miždziaržaŭnych i 31 — miascovych šlachoŭ znosin. Niekatoryja ciahnikibuduć kursiravać čaściej. Tak, pieryjadyčnaść kursiravańnia ciahnika numar 326/325 Minsk — Murmansk pavialičycca da troch razoŭ u tydzień. Ciahnik numar 324/323 Homiel — Murmansk budzie kursiravać kruhły hod. Akramia hetaha, uvodziacca dadatkovyja ciahniki ź Minska ŭ Brest i Homiel, z Bresta ŭ Viciebsk i z Bresta ŭ Mahiloŭ. Źmianiajecca raskład ciahnika numar 86/85 Minsk‑Kijev: jon pieravodzicca ŭ razrad firmiennych.
Novym hrafikam zahadzia praduhledžany ciahniki i ŭ śviatočnyja dni. Heta daść mahčymaść pasažyram svoječasova płanavać svaje pajezdki.
Dla pryciahnieńnia dadatkovaha pasažyrapatoku, palapšeńnia jakaści absłuhoŭvańnia pasažyraŭ pavialičvajecca častata kursiravańnia i pryharadnych ciahnikoŭ.
Naprykład, na Minskim adździaleńni pavialičana kolkaść ciahnikoŭ na 8 par. Arhanizavany skrazny propusk elektraciahnikoŭ z učastka na ŭčastak ź minimalnymi stajanki 7‑12 chvilin pa stancyi Minsk‑Pasažyrski (14 ciahnikoŭ) i pa p.p. Instytut Kultury (6 ciahnikoŭ). U minskaj pryharadnaj zonie paskorany čatyry elektraciahniki na ŭčastku Minsk — Asipovičy, try — na ŭčastku Minsk — Maładziečna, adzin — na ŭčastku Minsk — Barysaŭ.
Na Baranavickim adździaleńni pavialičany pryharadny ruch na adnu paru na ŭčastku Baranavičy — Łuniniec. Taksama da Bresta pradoŭžany pa vychadnych dniach elektraciahnik napramkam Minsk — Baranavičy.
U Homielskaj pryharadnaj zonie pavialičany ruch na 9 par, u tym liku na ŭčastku Homiel — Prybar — Rečyca try pary sa skraznym propuskam pa stancyi Homiel da stancyi Lisički i čatyry pary na ŭčastku Homiel — Žłobin u šlachach znosin Homiel — Łazurnaja z ulikam novaha prypynačnaha punkta ŭ miežach horada. Źmienieny raskład pryharadnych ciahnikoŭ dla pavieličeńnia kolkaści ŭzhodnienych pryharadnych ciahnikoŭ u čyhunačnych vuzłach (pa stancyi Žłobin — čatyry pary ciahnikoŭ, pa stancyi Kalinkavičy — piać par) ź pierasadkaj pasažyraŭ na sumiežnyja ŭčastki.
Na Mahiloŭskim adździaleńni zachavany dziejučyja pamiery pryharadnaha ruchu z ulikam źmianieńnia raskładaŭ dyziel‑ciahnikoŭ dla zabieśpiačeńnia dadatkovych pierasadak pasažyraŭ na stancyi Asipovičy z učastka Salihorsk — Asipovičy na ciahniki numar 100 Minsk — Simfieropal i numar 96 Minsk — Homiel. Na stancyi Mahiloŭ‑1 dadatkova praduhledžany pierasadki z dyziel‑ciahnika numar 6567 Orša — Mahiloŭ na dyziel‑ciahnik numar 6435 Mahiloŭ — Homiel, z dyziel‑ciahnika numar 6588 Asipovičy — Mahiloŭ na dyziel‑ciahnik 6572 Mahiloŭ — Orša.
Dla źmianšeńnia času znachodžańnia pasažyraŭ u darozie maksimalna skaročany stajanki tranzitnych pryharadnych i pasažyrskich ciahnikoŭ na stancyi Słuck: z 22 da 2‑9 chvilin.
Na Viciebskim adździaleńni pavialičany ruch ciahnikoŭ u pryharadnaj zonie na adnu paru na ŭčastku Viciebsk — Połack dla vyvazu pasažyraŭ u šlachach znosin Viciebsk — Šumilina. Pradoŭžany maršruty ruchu pryharadnych ciahnikoŭ na poŭny ŭčastak u šlachach znosin Žłobin — Kalinkavičy i Asipovičy — Žłobin.
