Histaryčnaja častka śviatkavańnia adbudziecca na Zamkavaj hary.
Dni siaredniaviečnaj kultury «Mieč Bračysłava» 29—30 maja nabuduć farmat kłasičnaha fiestyvalu. U śviatočnaj prahramie biaruć udzieł vajary, ramieśniki, muzyki i tancory. Svoj udzieł u śviacie paćvierdzili piać vajarskich kłubaŭ ź Viciebskaj vobłaści: «Vanhientorn», «Nahłfar», «Čorny vojna», «Kłub imia Łastoŭskaha» i «Połacki źviaz». I dva ź Minskaj: Nordry i Try varing.
Staražytnyja ramiostvy prademanstrujuć udzielniki supołki amataraŭ žyvoj archieałohii z Brasłava i ramieśniki ź Minsku. Z kancertnaj prahramaj vystupiać biełaruskija hurty siaredniaviečnaj muzyki Testamentum terrae, Cornucopia, Terrae vagancika, «Niamiha», a taksama hurt archaičnaha śpievu «Kniažyč» z Połacka. Admietnaściu dzion siaredniaviečnaj kultury stanie ich navukovaja častka. Sa stendavymi prezientacyjami na śviata pryjeduć navukoŭcy i archieołahi ź Minska.
Uvachod na terytoryju Zamkavaj hary budzie płatnym. Košt darosłaha kvitka składaje try tysiačy rubloŭ, dziciačaha — paŭtary.
Turysty, jakija źbirajucca jechać u Brasłaŭ samastojna, zmohuć raźmiaścicca ŭ namiotavym haradku na turystyčnaj bazie «Brasłaŭskija aziory». Pa pytańniach raźmiaščeńnia i charčavańnia možna taksama źviartacca ŭ turystyčny adździeł Nacyjanalnaha parka «Brasłaŭskija aziory».
Z prahramaj Dzion siaredniaviečnaj kultury možna paznajomicca tut.
