Byłaja nastaŭnica ź Ivacevickaha rajona pryhavorana da 10 hadoŭ pazbaŭleńnia voli za zabojstva hramadzianskaha muža.
Jak paviedamiła staršy pamočnik prakurora Bresckaj vobłaści Volha Dźmitruk, 3 studzienia piensijanierka śviatkavała svajo 65‑hodździe razam z hramadzianskim mužam‑ravieśnikam, ź jakim žyła sumiesna apošnija try z pałovaj hady.
Viečaram padčas svarki z‑za raptoŭna ŭźnikłych niepryjaznych adnosin imianińnica
naniesła mužčynu piać udaraŭ kuchonnym nažom u vobłaść śpiny. U noč na 4 studzienia jon pamior u kvatery sužycielki.
«Žančyna pasprabavała ŭtaić zabojstva i zapeŭnivała fielčara miascovaha FAP, jakaja pryjšła da jaje dadomu, u naturalnaj śmierci hramadzianskaha muža, vykazvała mierkavańnie ab jaho mahčymym atručeńni śpirtnym, patrabavała vypisać daviedku ab śmierci», — skazała Dźmitruk. Adnak miedrabotnik vyklikała ŭčastkovaha inśpiektara. Trup byŭ adpraŭleny na ŭskryćcio, padčas jakoha była ŭstanoŭlena pryčyna śmierci.
Pry papiarednim rasśledavańni abvinavačanaja nieadnarazova mianiała svaje pakazańni.
Jana to pryznavała vinu ŭ tym, što zrabiła, to śćviardžała, što sužyciel vychodziŭ u mahazin i viarnuŭsia z nažavymi ranieńniami, jakija jamu nibyta nanieśli nieviadomyja.
27 krasavika sud Ivacevickaha rajona pryznaŭ žančynu vinavataj u zabojstvie i pryhavaryŭ da 10 hadoŭ pazbaŭleńnia voli ŭ kałonii ahulnaha režymu.
Byłaja nastaŭnica z 36‑hadovym stažam budzie taksama prymusova lačycca ad ałkahalizmu. Na karyść brata zahinułaha ŭ metach kampiensacyi naniesienaha jamu maralnaha ŭronu z asudžanaj spahnana 3 młn. rubloŭ.
1 červienia sudovaja kalehija pa kryminalnych spravach Bresckaha abłasnoha suda pakinuła kasacyjnuju skarhu žančyny biez zadavalnieńnia. Prysud ustupiŭ u zakonnuju siłu.
