Na dniach u Stambule (Turcyja) u miežach prahramy «Stambuł. Stalica jeŭrapiejskaj kultury 2010» adbyŭsia fiestyval International Competition of Istanbul Songs, jaki byŭ arhanizavany jeŭrapiejskaj asacyjacyjaj WAFA. U jaho konkursnaj častcy brali ŭdzieł najmacniejšyja vakalisty jeŭrapiejskich krain. Biełaruś pradstaŭlała papularnaja śpiavačka Hiunieš Abasava.
«Ideja konkursu zaklučałasia ŭ tym, — raskazvaje jana, — kab kankursanty z roznych krain vykonvali pieśni pra Stambuł na tureckaj movie pad akampaniemient arkiestra. Maja kampazicyja była vakalna vielmi składanaj, i toje, u dobrym sensie słova, chvalavańnie, jakoje ja adčuvała na scenie, zastaniecca ŭ sercy nadoŭha».
Pa vynikach konkursu Hiunieš Abasava zaniała druhoje miesca. Jaje vystupleńnie zrabiła nastolki mocnaje ŭražańnie, što ŭžo da kanca hoda ŭ artystki raśpisany hrafik hastrolej pa jeŭrapiejskich krainach (Ispanija, Italija, Malta, Hiermanija, Bałharyja, Turcyja). Zaraz Hiunieš rychtujecca da vypusku novaha alboma, sumiaščaje jeŭrapiejskija pajezdki z hastrolnym turam pa haradach Biełarusi.
0
0
0
0
0
0