Fond imia Konrada Adenaŭera (FRH) padtrymaje biełaruskuju apazicyju na vybarach prezidenta. Pra heta kiraŭnik fondu jeŭradeputat Hans-Hiert Pioterynh zajaviŭ 7 červienia na sustrečy ŭ Bierlinie z maładymi biełaruskimi kansiervatyŭnymi palitykami.
Jak paviedamlaje pres-słužba fondu, Pioterynh zajaviŭ, što praz padtrymku apazicyi fond spryjaje demakratyzacyi Biełarusi. Pa jaho słovach, «dziakujučy padtrymcy demakratyčnych siłaŭ u Biełarusi atrymajuć pieramohu čałaviečuju hodnaść, demakratyja, svaboda».
Kiraŭnik fondu Adenaŭera taksama ličyć važnym, kab Jeŭrapiejski humanitarny ŭniviersitet, jaki pracuje ŭ Vilni, atrymaŭ mahčymaść viarnucca ŭ Miensk.
Jak paviedamlałasia raniej, Pioterynh naviedaŭ Minsk u lutym 2010 hoda.
6-11 červienia pa zaprašeńni kiraŭnika fondu Adenaŭera ŭ Hiermanii znachodzicca hrupa biełaruskich maładych palitykaŭ. Meta vizitu — dyjałoh ź niamieckimi i jeŭrapiejskimi palitykami roznych halin ułady. Prahrama praduhledžvaje sustrečy ŭ MZS FRH, viedamstvie fiederalnaha kanclera, bundestahu, partyi «Chryścijanska-demakratyčny sajuz», z pradstaŭnikami Maładoha sajuza Hiermanii, Tavarystva chryścijanska-demakratyčnych studentaŭ, a taksama Uschodniaha kamiteta hiermanskaj ekanomiki.
