Sankcyi ZŠA, jakija dziejničajuć u adnosinach da šerahu biełaruskich čynoŭnikaŭ, nadumanyja. Z takoj zajavaj u sieradu, 9 červienia, vystupiła MZS Biełarusi, kamientujučy rašeńnie Vašynhtona padoŭžyć na hod sankcyi suprać biełaruskaha kiraŭnictva, uviedzienyja ŭ 2006 hodzie prezidentam Džordžam
«Kali kazać ab sankcyjach u adnosinach da šerahu biełaruskich čynoŭnikaŭ, to paśla praciahłaha pieryjadu isnavańnia hetych sankcyj dla ŭsich vidavočnaja nadumanaść hetych sankcyj i ich adarvanaść ad realnaha žyćcia», — zajaviŭ dypłamat.
«Jak nam zdajecca, praciah hetych niepatrebnych, ale kanfrantacyjnych pa svajoj sutnaści sankcyj, śviedčyć ab adsutnaści ŭ ZŠA palityčnaj voli da raźvićcia ŭzajemadziejańnia ŭ intaresach miru i supracoŭnictva», — dadaŭ pradstaŭnik źniešniepalityčnaha viedamstva Biełarusi.
U Minsku ŭpeŭnienyja, što kanstruktyŭnaje ŭzajemadziejańnie pamiž ZŠA i Biełaruśsiu «budzie karysnym nie tolki dla našych krain, ale i dla rehijonu, i suśvietnaj supolnaści ŭ cełym. Biełaruś prapanuje ZŠA adyści ad stereatypaŭ kanfrantacyjnaha myśleńnia i pačać pracu pa rasčystcy zavałaŭ ŭ našych dvuchbakovych adnosinach», — zajaviŭ pradstaŭnik MZS, padkreśliŭšy pry hetym, što admiena ŭsich vidaŭ sankcyj źjaŭlajecca pryncypovaj umovaj dla pačatku takoha dyjałohu.
