U druhim matčy dnia na čempijanacie śvietu sustrakalisia Francyja i Uruhvaj.
Na francuzaŭ było cikava pahladzieć choć by z toj pryčyny, što hetaja kamanda budzie supiernikam Biełarusi pa adbory da čempijanatu Jeŭropy‑2012.
Asabliva jarkaj hulni kamandy nie pakazali. Nielha taksama adznačyć, što niejkaja z zbornych vałodała inicyjatyvaj. Roŭnyja šancy na pieramohu mieli, jak adny, tak i druhija.
Tym nie mienš, miač nie išoŭ u varoty, ci vydatna vyhladali bramniki. Za 10 chviliny da skančeńnia hulni čyrvonuju kartku atrymaŭ paŭabaronca Uruhvaju Ledejra.
Paśla hetaha paŭdniovaamierykancy dumali tolki pra abaronu. Padčas adnaho z udaraŭ Anry miač trapiŭ u ruku abaroncy ŭruhvajcaŭ. Ale japonski sudździa Nišymura nie ryzyknuŭ pakazać na adzinaccacimietrovy.
Užo ŭ dadatkovy čas francuzy mieli jašče adzin šaniec vyrvać pieramohu. Ale ŭdar Anry sa štrafnoha pryjšoŭsia ŭ ścienku.
Ničyjoj uruhvajcy zastalisia zadavolenyja bolš za francuzaŭ.
Ciapier u hrupie A ŭsie zbornyja majuć adnolkavuju kolkaść punktaŭ: Mieksika, PAR, Uruhvaj, Francyja — pa 1 punktu.
12 červienia na čempijanacie śvietu buduć zhulanyja try matčy: Paŭdniovaja Kareja — Hrecyja (tranślacyja ŭ 14:25, Ład), Arhiencina — Nihieryja (16:55, Ład), Anhlija — ZŠA (21:25, BT).
