Hetymi dniami śpiecyjalisty budaŭničaj haliny padrychtavali prajekt ukaza, dzie prapisany źmianieńni i dapaŭnieńni ŭ narmatyŭnyja dakumienty pa pytańniach žyllovaha budaŭnictva.
Načalnik upraŭleńnia žyllovaha budaŭnictva Ministerstva architektury i budaŭnictva Biełarusi Alaksandr Horval paviedamiŭ, što hetym prajektam ukaza prapanujecca raspaŭsiudzić isnujučyja ŭmovy lhotnaha kredytavańnia budaŭnictva žylla, jakija ciapier dziejničajuć u nasielenych punktach z nasielnictvam da 20 tysiač čałaviek i na harady, u jakich žyvie da 50 tysiač čałaviek. Takim čynam, i ŭ siarednich haradkach ilhotny žyllovy kredyt budzie vydavacca čarhavikam pad 3 pracenty hadavych terminam na 40 hadoŭ. Zhodna z padrychtavanymi dapaŭnieńniami, pry dastatkovym finansavańni, razhladajecca mahčymaść pamienšyć pracentnuju staŭku pa lhotnych žyllovych kredytach dla takich nievialikich haradoŭ navat da 1 pracenta hadavych.
Druhim słušnym momantam prajekta novaha ŭkaza źjaŭlajecca prapanova ab źnižeńni pracentnaj staŭki lhotnych žyllovych kredytaŭ da 3 pracentaŭ hadavych dla maładych siemjaŭ, jakija majuć dvaich niapoŭnahadovych dziaciej, u haradach z nasielnictvam bolš za 50 tysiač čałaviek. Siońnia lhotny kredyt pad budaŭnictva žylla dla takich siemjaŭ vydajecca pad 5 pracentaŭ hadavych. Śpiecyjalistami Minbudarchitektury padličana, što hetaj normaj mohuć skarystacca da 90 tysiač maładych siemjaŭ. Adnačasova hetym dakumientam vyznačajecca dalejšaje detalovaje ŭdakładnieńnie katehoryi maładaja siamja, zhodna z roznymi žyćciovymi situacyjami, jakija ŭźnikajuć na praktycy padčas kredytavańnia takich siemjaŭ.
Prajekt ukaza dazvalaje šmatdzietnym siemjam, jakija budujuć žyllo ŭ nasielenych punktach z kolkaściu nasielnictva da 50 tysiač čałaviek, atrymlivać dadatkovy lhotny kredyt dla budaŭnictva haspadarčych pabudoŭ u pamiery da 20 pracentaŭ ad koštu budaŭnictva narmatyŭnaj ilhotnaj kredytujemaj płoščy.
Udakładniajecca i spraščajecca lhotnaje kredytavańnie siemjaŭ i asobnych čarhavikoŭ, jakija budujuć žyllo za miežami tych nasielenych punktaŭ, u jakich jany žyvuć. Pašyrajecca mahčymaść takoha budaŭnictva. Prajektam ukaza razhladajucca roznyja sprečnyja pracoŭnyja momanty, jakija ŭźnikajuć pry afarmleńni kredytaŭ, kali siemji žyvuć u adnym horadzie ci rajonie, a budujucca ŭ inšym. Nahadajem, što hetaje novaŭviadzieńnie datyčycca roznych nasielenych punktaŭ u miežach adnoj vobłaści.
