U Homielskim rajonie pa abvinavačańni ŭ niekalkich kradziažach zatrymany čaćviora niepracujučych hramadzian Ukrainy, uradžencaŭ Kramiančuha.
Jak paviedamili ŭ pres‑słužbie UUS Homielskaha abłvykankama, jany padazrajucca ŭ tym, što ź listapada 2009 hoda pa červień 2010‑ha rabavali hruzavyja aŭtamabili na darohach Homielskaj vobłaści. Uvieś hety čas zatrymanyja žyli ŭ vioscy Krasnaje pad Homielem, nie majučy prava na žycharstva.
12 červienia ŭ dačynieńni da hramadzian Ukrainy raspačata kryminalnaja sprava pavodle zajavy ich suajčyńnika, jaki na hruzavym aŭtamabili pieravoziŭ ź Biełarusi va Ukrainu kansiervy.
Na pahranpierachodzie «Novaja Huta» kiroŭca vyjaviŭ, što tent paŭpryčepa razrezany, a tavar vykradzieny. Pavodle źviestak śledstva, u sakaviku hetaha hoda złamyśniki abrabavali aŭtamabil «Biełpošty», sarvaŭšy zamok i vykraŭšy 18 pasyłak, a ŭ listapadzie 2009‑ha — razrezali tent i ŭčynili kradziež z pryčepa aŭtamabila pradpryjemstva «Santa‑Bremar».
Uron ad kradziažu pradukcyi pieravysiŭ 3 młn. 500 tys. rubloŭ. Abvinavačanyja aryštavany i źmieščany ŭ izalatar časovaha ŭtrymańnia.
