Praŭda, kab jaje zdabyć, daviałosia b vyciskać kamiani, jak rabili hieroi biełaruskaj kazki pra cmoka. Kancentracyja vady ŭ minierałach, jakija ŭtvarajuć miesiacovy hrunt, značna bolšaja, čym ličyłasia raniej — ad 65 miljardnych dolaŭ da 5 miljonnych pa vazie, paviedamlajuć navukoŭcy ŭ daśledavańni, apublikavanym u časopisie Proceedings of The National Academy of Sciences, paviedamlaje rian.ru.
Zdavałasia b, usio adno zamała, adnak pavodle absalutnaha značeńnia, heta kolkaść vady na Miesiacy adpaviadaje kolkaści vady ŭ Vialikich aziorach Paŭnočnaj Amieryki. Aŭtary daśledavańnia praviali paŭtorny analiz miesiacovaha hruntu, pryviezienaha na Ziamlu padčas dvuch misij «Apałona», a taksama mietearytny ŭzor miesiacovaha hruntu. Bolš dakładnyja mietodyki pakazali, što vady na Miesiacy ŭ 100 razoŭ bolš, čym ličyłasia.
Ale kudy Miesiacu da Marsa. Navukoŭcy, čyj artykuł apublikavany ŭ paniadziełak u časopisie Nature Geoscience, dakazali, što prykładna 3 miljardy hadoŭ tamu tracinu pavierchni Čyrvonaj płaniety zajmaŭ akijan. U jaho ŭpadali reki, a ŭ atmaśfiery farmavalisia vobłaki i išli daždžy.
Płošča taho akijana, jak padličyła kamanda daśledčykaŭ na asnovie maštabnaha analizu dadzienych ab marsijanskim hruncie, składała 36% ad pavierchni płaniety. A ŭvieś abjom vady — 124 miljony kubičnych kiłamietraŭ. Heta prykładna ŭ 10 razoŭ mienš, čym abjom ŭsich akijanaŭ Ziamli, pry tym, što Mars pa pamierach składaje krychu bolš za pałovu našaj płaniety.
