U svajoj krainie «Drum Ecstasy» aficyjnych vystupaŭ nia maje, jak i interviju ŭ dziaržaŭnych ŚMI.
Zastajecca tolki vydavać dyski i trymać siabie ŭ formie. Muzyka «bubnaŭ» sapraŭdy pryznačana dla padrychtavanaj hramady, hetki jakasny niefarmat — ciažki barabanny instrumentał. Albom słuchajecca jak adna vialikaja pjesa: bubny metadyčna śvidrujuć mozh, a bas robić u im akuratnyja dzirački. Z kožnaj pieśniaj hučańnie nibyta ŭskładniajecca. Fił kaža, što ŭ albomie hurt źmianiŭ svaju «kancertnuju» taktyku: na žyvych vystupach bubnačy spačatku cisnuć na słuchača, potym krychu adpuskajuć, a potym dabivajuć, a na albomie — zavablivajuć, cisnuć i znoŭ ža dabivajuć. Biedny słuchač potym jašče doŭhi čas nia moža pazbavicca taho nazojlivaha barabannaha boju. Albom «H.D.M.» zdolny jak abudzić, tak i ŭvahnać u depresiju. Hledziačy jakuju dušeŭnuju arhanizacyju vy majecie.
Procipakazana słuchać paśla naviedvańnia stamatalahičnaha kabinetu.
