Pra zatrymańnie paviedamiła maci aktyvista, Lidzija Kavalenka. Syna zatrymali na jaje vačoch.
Siarhieja Kavalenku vinavaciać u tym, što jon abražaŭ milicyjantaŭ. Pra heta siońnia paviedamili jahonaj maci, spadaryni Lidzii, kali jana patelefanavała ŭ abłasnuju ŭpravu MUS.
Lidzija Kavalenka raspaviała, jak učora, 26 červienia, kala 6-j viečara jana raźvitałasia ź Siarhiejem. Jon spuściŭsia ŭ padziemny pierachod na Maskoŭskim praspekcie, bo źbiraŭsia iści dachaty. Spadarynia Lidzija zaŭvažyła, što śledam za im spuścilisia niekalki supracoŭnikaŭ milicyi, jakija datul siadzieli ŭ słužbovaj mašynie niepadalok.
Siarhiej nie źjaviŭsia doma ni viečaram, ni nočču. Tamu siońnia maci patelefanavała ŭ milicyju.
U toje, što jaho zatrymali za abrazu milicyjantaŭ, spadarynia Lidzija nia vieryć. Jana miarkuje, što jaho zatrymali preventyŭna — kab u horadzie nie było bieł-čyrvona-biełych ściahoŭ padčas masavych mierapryjemstvaŭ, bo ŭ Viciebsku ŭčora i siońnia adznačajuć Dzień horadu.
Pakul Siarhiej Kavalenka znachodzicca ŭ izalatary časovaha ŭtrymańnia. Darečy, padčas śviatkavańniaŭ Dnia Pieramohi jaho taksama ŭtrymlivali pad vartaj u hetaj ŭstanovie, zatrymaŭšy napiaredadni nibyta za niecenzurnuju łajanku ŭ hramadzkim miescy.
Učora byŭ zatrymany taksama i viciebski apazycyjaner Barys Chamajda, jaki raspaŭsiudžvaŭ u centry Viciebsku niezaležnuju presu.Kala hadziny jon znachodziŭsia ŭ Čyhunačnym RAUS, ale potym jaho adpuścili, tak i nie patłumačyŭšy ni pryčynaŭ zatrymańnia, ni padstavaŭ dla niečakanaha vyzvaleńnia. Adzinaje, što paraili jamu ŭ pastarunku — heta kab apazycyjaner nie stajaŭ pad svaim bieł-čyrvona-biełym parasonam padčas haradzkich mierapryjemstvaŭ.
0
0
0
0
0
0
