Kolkaść nasielnictva Biełarusi z pačatku 2010 hoda źmienšyłasia na 10,3 tysiačy. Jak paviedamlaje Nacyjanalny statystyčny kamitet, na 1 červienia ŭ krainie pražyvała 9 młn. 469,9 tys. čałaviek.
Infarmacyja atrymana pavodle źviestak najaŭnaha ŭliku i papiarednich vynikaŭ pierapisu nasielnictva 2009 hoda.
Jak rastłumačyli ŭ Biełstacie, skaračeńnie kolkaści nasielnictva abumoŭlena pieravyšeńniem na 14 tys. 392 čałavieki kolkaści pamierłych nad kolkaściu narodžanych pry stanoŭčym mihracyjnym pryroście 4 tys. 83 čałavieki.
U Minsku za piać miesiacaŭ 2010 hoda kolkaść nasielnictva pavialičyłasia z 1 młn. 834,2 tysiačy da 1 młn. 838,5 tysiačy. U astatnich rehijonach krainy hety pakazčyk źniziŭsia. Tak, u Homielskaj vobłaści na 1 červienia 2010 hoda naličvałasia 1 młn. 436,3 tys. žycharoŭ (na 1 studzienia 2010 hoda — 1 młn. 438,3 tys.), u Minskaj — 1 młn. 416,6 tys. (1 młn. 418,9 tys.), u Bresckaj — 1 młn. 397,5 tys. (1 młn. 398,7 tys.), u Viciebskaj — 1 młn. 225 tys. (1 młn. 228,6 tys.), u Mahiloŭskaj — 1 młn. 88,6 tys. (1 młn. 91,9 tys.), u Hrodzienskaj — 1 młn. 67,4 tys. (1 młn. 69,6 tys.).
Za studzień—maj 2010 hoda ŭ krainie naradzilisia 43 tys. 292 dziciaci (na 1 tys. 420 mienš u paraŭnańni sa studzieniem—majem 2009 hoda), pamierli 57 tys. 684 čałavieki (na 665 mienš).
U hety ž pieryjad u krainu prybyli 6 tys. 702 čałavieki, pajechali — 2 tys. 619.
U studzieni—mai 2010 hoda ŭ paraŭnańni sa studzieniem—majem 2009 hoda kolkaść zarehistravanych šlubaŭ skaraciłasia na 2,6% (da 22 tys. 396), skasavańniaŭ — na 0,6% (13 tys. 983).
