Nacyjanalny apieratar elektrasuviazi »Biełtelekam» budzie budavać multyservisnyja sietki. Ab hetym 1 lipienia na pres‑kanfierencyi ŭ Minsku paviedamiŭ hienieralny dyrektar RUP «Biełtelekam» Kanstancin Cikar.
«Sioleta budzie pabudavany pieršy etap multyservisnaj sietki IMS, na bazie jakoj budzie nadalej raźvivacca ŭ tym liku i telefonnaja suviaź z bolš vysokaj jakaściu i bolš nizkimi vydatkami», — adznačyŭ Cikar.
Płatforma IMS (IP Multimedia Subsystem) — padsistema na bazie pratakoła IP, pryznačanaja dla akazańnia multymiedyjnych pasłuh pa pravadnych i biespravadnych sietkach. U »Biełtelekamie» čakajuć, što ŭkaranieńnie płatformy dazvolić skaracić vydatki, źviazanyja z budaŭnictvam i ekspłuatacyjaj roznych sietak.
Pieršy etap ukaranieńnia IMS — realizacyja prajekta pa ŭvodu ŭ ekspłuatacyju multyservisnaj płatformy IMS/NGN u 2010—2011 hadach. Dziakujučy hetamu «Biełtelekam» pryviadzie ŭsie najaŭnyja sietki da adzinaha typu i standartu mižsietkavaha ŭzajemadziejańnia. Heta dazvolić chutčej i z bolš nizkimi zatratami ŭkaraniać novyja pasłuhi.
Akramia hetaha, u płanie źjaŭleńnia novych pasłuh u najbližejšy čas »Biełtelekam» płanuje ŭkaranieńnie ličbavaha efirnaha telebačańnia standartu DVB‑T. Hety prajekt «Biełtelekam» aceńvaje nie tolki jak kamiercyjny, ale i jak surjozny ŭkład u pierachod da ličbavaha farmatu televiaščańnia ŭ Biełarusi. Novy prajekt startuje pad brendam ZALA i stanie dapaŭnieńniem da interaktyŭnaha telebačańnia.
