Prajšoŭ matč druhi matč pieršaha kvalifikacyjnaha raŭndu Lihi Jeŭropy pamiž mahiloŭskim «Dniaprom» i ałbanskim kłubam «Łačy». Tydzień tamu na Bałkanach hetyja kamandy razyšlisia ŭničyju 1:1.
Praŭda, futbalisty «Dniapra» pryznavalisia, što hulać im zaminała mocnaja śpioka, ź jakoj u Biełarusi jany redka sutykajucca.
U mahiloŭskim matčy roźnica ŭ kłasie družyn była navidavoku. Mahiloŭcy zabili až siem hałoŭ (Jurčanka aformiŭ chiet‑tryk, Byčanok — dubl, Ziańkovič i Černych zabili pa adnamu hołu). Ałbancy adkazali tolki adnym — 7:1.
Adna z samych bujnych pieramoh biełaruskich kłubaŭ u jeŭrakubkach.
U nastupnym raŭndzie supiernikam biełarusaŭ budzie narviežski «Stabiek». Pieršy matč projdzie 15 lipienia ŭ Narviehii, 22 lipienia — u Biełarusi.
Letaś z narviežskim «Tromsio» sustrakałasia minskaje «Dynama», i prajhrała.
A 22:00 pa‑biełaruskim časie ŭ dalokaj Isłandyi zhulajuć miascovy «Fiułkir» i žodzinskaje «Tarpieda». U pieršaj hulnie našy vyjhrali ź likam 3:0.
0
0
0
0
0
0