Pałova nieanacystaŭ śvietu — rasijcy 2

Kala pałovy aktyŭnych nieanacystaŭ žyvuć u Rasiei, što składaje 50–60 tysiač čałaviek ad ahulnasuśvietnaj kolkaści ŭ 120 tysiač. Takija vyniki daśledavańnia, praviedzienaha Maskoŭskim biuro pa pravach čałavieka, piša niamieckaja hazieta Der Tagesspiegel.

Najbolšaja kancentracyja pravych ekstremistaŭ zafiksavana ŭ Sankt-Pieciarburhu. Tam kolkaść prychilnikaŭ neanacyzmu dasiahaje 15 tysiač čałaviek. Miž tym u Maskvie ich usiaho kala 2,5 tysiač čałaviek. Niamieckaje vydańnie źviazvaje hety fakt z tym, što ŭ stalicy značna bolšy kantrol dziaržavy i pravaachoŭnych orhanaŭ.

Budzionnaj źjavaj stała prajava nianaviści da vychadcaŭ z Kaŭkaza i byłych sajuznych respublik, asabliva ŭ paŭdniovych rehijonach krainy. Akramia taho, mocnyja padobnyja nastroi na Urale.

Łozunh «Rasija dla ruskich» na dadzieny momant padtrymlivaje kala 53% nasielnictva. Nacyjanalistyčnyja idei karystajucca asablivaj papularnaściu siarod moładzi da 30 hadoŭ, jakaja rasčaravałasia ŭ palityčnym raźvićci Rasii, ličyć dyrektar Centra etnałahičnych daśledavańniaŭ Emil Pain. Pryčynu takoj źjavy ekśpierty bačać u sacyjalnym rassłajeńni nasielnictva krainy i ŭ pastajanny abnižeńni uzroŭniu adukacyi.

0

0

0

0

0

0

delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH