Praz sajty znajomstvaŭ možna stać achviaraj machlarki, papiaredžvaje hałoŭnaje ŭpraŭleńnie ŭnutranych spraŭ Minharvykankama.
Tak, na poštu HUUS źviarnuŭsia minčanin, jaki paznajomiŭsia ź dziaŭčynaj na sajcie znajomstvaŭ. Jana adrazu prapanavała jamu sustrecca, ukazaŭšy svoj telefon. Minčanin pryjechaŭ u pryznačanaje miesca na hramadskim transparcie, sieŭ u mašynu dziaŭčyny. Dziaŭčyna paprasiła jaho zapravić aŭtamabil, kab zaŭtra z ranicy razam pajechać adpačyvać za horad. Mužčyna zapłaciŭ 38 tysiač rubloŭ za paliva, paśla čaho jany zajechali ŭ najbližejšaje kafe. Tam dziaŭčyna zajaviła, što adydzie «na niekalki chvilin», i nie viarnułasia.
U suviazi z hetaj historyjaj HUUS Minharvykankama nahadvaje, što zhodna z Kryminalnym kodeksam Biełarusi takija dziejańni kvalifikujucca jak machlarstva. Za ich praduhledžvajecca pakarańnie ŭ vyhladzie pazbaŭleńnia voli da 10 hadoŭ.
Usim, chto staŭ achviaraj takoj machlarki, u HUUS rajać pastaracca zapomnić numar aŭtamabila dziaŭčyny, numar jaje telefona, asablivyja prykmiety źniešnaści i apieratyŭna źviarnucca ŭ milicyju.
