Nacyjanalnyja parki, ofisy, łatarei — takomu naboru pazajzdrościŭ by miljarder. Kampanija pad niakidkaj nazvaj «Biełaruśhandal» daje taki abarot hrošaj, što inšym i nie śniłasia.
Kiraŭnictva spravaŭ prezidenta Biełarusi — arhanizacyja, jakaja žyvie sama pa sabie. Jaje kiraŭniki, u narodzie ich zavuć «prezidenckija zaŭchozy», trymajuć na nitkach samyja prybytkovyja haliny ekanomiki. I pa tych samych nitkach pierakačvajuć miljonnyja prybytki padkantrolnych arhanizacyj. Kamuści toje ŭdavałasia lepš, kamuści, jak sumnaviadomaj Halinie Žuraŭkovaj, u jakoj vyjavili rastratu $3,6 miljona, — horš.
Što ž uvachodzić u hihanckuju impieryju, padkantrolnuju asabista kiraŭniku dziaržavy? Pa aficyjnych padlikach, ažno 80 arhanizacyj majuć hruvastki daviesak da nazvy, jaki ŭkazvaje na haspadara, — «Kiraŭnictva spravaŭ prezidenta Respubliki Biełaruś».
Sajt Kiraŭnictva spravaŭ adznačaje, što nabor «ptušaniat»-niebarak pad prezidenckaje kryło pačaŭsia ŭ siaredzinie
Handal ad imia dziaržavy — voś asnoŭnaja krynica prybytku.Kampanija pad niakidkaj nazvaj «Biełaruśhandal» daje taki abarot hrošaj, što inšym i nie śniłasia. Impart ałkaholu, cyharet i lesu — šmatmiljardny zakład paśpiachovaści aptovaha pradpryjemstva. I takija arhanizacyi jašče i atrymlivajuć źnižki «dla biednych»! Naprykład, uvoz «Biełaruśhandlem» kamiennaha vuhalu ŭ krainu ŭ hetym paŭhodździ navat nie budzie abkładacca padatkami.
Adpačynak paśla doŭhaj, napružanaj pracy
Kiraŭnictva spravaŭ prybrała da ruk sanatoryi za miežami krainy, jakija dastalisia ŭ spadčynu ad BSSR. Tuapse, Druskieniki, Jałta, Sočy, Jurmała…Havorka ab ich prodažy nie zavodziłasia navat u časy samaj niastačy. Pra sanatoryi i damy adpačynku ŭnutry Biełarusi i kazać nie varta. «Junactva», «Baravoje», «Sosny» — raniej siudy jeździli lačycca pa darmovych pucioŭkach prafsajuźniki, ciapier — stomlenyja ad tureckich i jehipieckich plažaŭ rasijanie.
Turystyčny apieratar
RUP «Biełaruskija łatarei» zastajecca najbujniejšym hulcom łatarejnaha biznesu, prapanujučy dvaccać hulniaŭ. Hałoŭny brend «Vaša łato» praciahvaje zmahańnie z «Supierłato» Dźmitryja Łukašenki, ale ŭ kampanii jość jašče inšyja hulni, i tyražnyja, i imhniennyja.
Nacyjanalnyja prezidenckija parki
U krainie naličvajecca piać nacyjanalnych parkaŭ — «Biełaviežskaja pušča», «Naračanski», «Prypiacki», «Biarezinski» i «Brasłaŭskija aziory». Usie hetyja ŭnikalnyja pryrodnyja abjekty ŭ siaredzinieKiraŭnik dziaržavy Alaksandr Łukašenka lubić paŭtarać, što parki byli pieradadzienyja Kiraŭnictvu spravaŭ svoječasova. Maŭlaŭ, tolki tak udałosia zachavać ich u pieršasnym čystym vyhladzie.90-ch trapili pad kantrol KSP.
Tak ci nie, ale karupcyja u parkach kvitnieje. Z taho času kolkaść aryštavanych kiraŭnikoŭ parkaŭ pastajanna raście. U adnym tolki Brasłaŭskim nacparku troje pryznačanych dyrektaroŭ pa čarzie išli pad sud. Usich ich — pryznačanych asabista prezidentam — abvinavačvali ŭ pieravyšeńni słužbovych paŭnamoctvaŭ. Płan pa vyrubcy ŭ Biełaviežskaj puščy, adstreł zubroŭ — usio heta taksama fakty apošnich hadoŭ.
«Prezident-hatel» . U haściach u prezidenta
Na ciapierašni momant KSP vałodaje tryma staličnymi hatelami. Samy prestyžny — čatyrochzorkavy «Minsk», jaki staić na samoj płoščy Niezaležnaści. «Płanieta» i «Jubilejnaja» majuć «usiaho» try zorki, dyj znachodziacca dalej ad centra. Kampiensavać niedachop zornaści musićŹ inšaha boku ad jaho raźmiaščajecca «lečkamisija» — elitnaja balnica na čale ź Irynaj Abielskaj.«Prezident-hatel» , jaki ŭzvodzicca ŭdarnymi tempami ŭ susiednim kvartale z rezidencyjaj kiraŭnika dziaržavy.
…Budaŭničyja tresty, ekśpierymientalnyja kałhasy, handlovyja centry — voś niapoŭny śpis taho, što zastałosia
A jakija prybytki prynosiać ofisnyja budynki pa ŭsim Minsku, jakija Kiraŭnictva spravaŭ u svoj čas zabrała sabie amal u poŭnym składzie. Jeści nie prosiać, a arendu prynosiać.
Dla paraŭnańnia, pad kantrolem upraŭleńnia spravami prezidenta Ukrainy naličvajecca 50 arhanizacyj. U ahromnistaj Rasii — 105 arhanizacyj, ale dziasiatak ź ich — heta dziciačyja sadki.
Sapraŭdnyja handlovyja abaroty biełaruskaj
* * *
Prezidenckija «zaŭchozy»
Ivan Ciciankoŭ 1994–1999 — uciok u Rasiju
Uładzimir Hančarenka 1999–2001 — były ministr suviazi
Halina Žuraŭkova 2001–2004, była asudžanaja sudom, ale pamiłavanaja prezidentam
Hienadź Łaŭrankoŭ 2004–2005
Alaksandr Kuličkoŭ 2005–2008 — były ministr handlu
Mikałaj Damaškievič 2008–2009 — były kiraŭnik Minščyny
Mikałaj Korbut z 2009 hoda.