Mahiloŭski «Dniapro» i minskaje «Dynama» vyjšli ŭ 3-ci kvalifikacyjny raŭnd Lihi Jeŭropy – druhi pa značnaści jeŭrapiejski futbolny turnir. Žodzinskaje «Tarpieda» nie zmahło prabicca ŭ nastupny etap.
Minskaje «Dynama» siońnia, 22 lipienia, u Talinie razhramiła siłumiajski «Kaleŭ» ź likam 5:0. Tydzień tamu minčuki pieramahli estonski kłub ź likam 5:1.
U 3-m raŭndzie «Dynama» zhulaje z «Makabi» z Chajfy. Pieršy matč projdzie 29 lipienia ŭ Izraili.
Mahiloŭski «Dniapro» zhulaŭ na svaim poli ŭničyju z narviežskim «Stabiekam» -- 1:1, i za košt dvuch miačoŭ, zabitych u Narviehii (2:2), taksama vyjšaŭ u nastupny etap, dzie zhulaje z «Banikam» (Astrava. Čechija).
Žodzinskaje «Tarpieda» sastupiła ŭ Barysavie białhradskamu OFK – 0:1 (pieršy matč – 2:2) i pakidaje turnir. OFK u nastupnym raŭndzie zhulaje z tureckim «Hałatasarajem».