Z 1 vieraśnia ŭ biełaruskich škołach źjaviacca «Asnovy pravasłaŭnaj kultury» 38

Z novaha navučalnaha hoda ŭ sistemie siaredniaj adukacyi Biełarusi z 1-ha pa 11-y kłasy budzie ŭviedziena navučalnaja prahrama fakultatyŭnych zaniatkaŭ «Asnovy pravasłaŭnaj kultury. Pravasłaŭnyja śviatyni ŭschodnich słavian».

Pra heta karespandentu paviedamiŭ siabra Kaardynacyjnaj rady Ministerstva adukacyi i Biełaruskaj pravasłaŭnaj carkvy pa pytańniach supracoŭnictva, staršynia RHA «Baćki i nastaŭniki za adradžeńnie pravasłaŭnaj adukacyi» Uładzimir Hrozaŭ.

«Prahrama kursa pa asnovach pravasłaŭnaj kultury prajšła ŭsie nieabchodnyja ŭzhadnieńni, u tym liku ŭ Nacyjanalnym instytucie adukacyi i ŭ Minadukacyi. Zaraz BPC i Minadukacyi prykładajuć namahańni pa raspracoŭcy vučebna-mietadyčnaha kompleksu da navučalnaj prahramy novaha školnaha fakultatyvu. Takaja prahrama, treba skazać, uvodzicca ŭpieršyniu ŭ krainie. Usio heta dazvolić achvotnym — a fakultatyŭ maje na ŭvazie toje, što heta zaniatki na vybar — dałučycca da asnovaŭ duchoŭnaj kultury pravasłaŭja», — raspavioŭ Hrozaŭ.

Pavodle jaho słovaŭ, da hetaha času ŭ krainie nie było takich prahram, jakija achoplivajuć uvieś pieryjad navučańnia ŭ škole.

Prahrama fakultatyŭnych zaniatkaŭ «Asnovy pravasłaŭnaj kultury. Pravasłaŭnyja śviatyni ŭschodnich słavian» była ŭchvalenaja rašeńniem Kaardynacyjnaj rady Ministerstva adukacyi i BPC pa pytańniach supracoŭnictva ad 4 lutaha 2010 h.

0

0

0

0

0

0

sobor.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH