Handal na plažach Minsku i Minskaha rajona pravodzicca z parušeńniamisanitarna-epidemijałahičnaha zakanadaŭstva. Pra heta paviedamiŭ hałoŭny sanitarny lekar stalicy Fiodar Hiermanovič.
Hiermanovič: «Pryviadu taki prykład pa Zasłaŭskim vadaschoviščy.
12 pradpryjemstvaŭ. Pa ŭsich 12 znojdzienyja parušeńni handlu:
parušalisia tempieraturnyja ŭmovy zachoŭvańnia pradukcyi, dapuščalisia fakty pryjomki i realizacyi charčovaj syraviny i charčovych praduktaŭ biez dakumientaŭ, piersanał pracavaŭ bieź miedyčnaha dopusku. Na handlovym abjekcie ŭ zonie adpačynku Cna ažyćciaŭlałasia realizacyja chutkapsavalnych praduktaŭ — hatovaj kulinarnaj pradukcyi — biez srodkaŭ astudžeńnia, biez dakumientaŭ i h.d. Pa ŭsich hetych faktach pryniatyja miery».
Za minuły tydzień paśla rejdaŭ sansłužbaŭ stalicy pa zonach adpačynku Minsku i Minskaha rajona adnu kramu začynili, try nieŭzabavie mohuć pazbavicca licenzii. A kiraŭniki 13 pradpryjemstvaŭ, jakija handlavali na minskich plažach, aštrafavanyja. Uzmacnić kantrol za dziejnaściu handlovych kropak na plažach zahadaŭ 26 lipienia staršynia harvykankama Mikałaj Ładućka.