Režysior Olivier Stoŭn daŭ skandalnaje intervju, dzie zajaviŭ, što habrei kantralujuć amierykanskija ŚMI, ruskija paciarpieli macniej za habrejaŭ, a Hitler byŭ pačvaraj, ale nie Frankienštejnam.
Režysior Olivier Stoŭn u intervju anhielskaj haziecie Sunday Times, jakoje jon daŭ u jakaści rekłamy svajho filma «Na poŭdzień ad miažy», niekalki adchiliŭsia ad temy paŭdniovaamierykanskaj palityki, pra jakuju raskazvaje stužka, i źviarnuŭsia da niadaŭniaj historyi. Dla pačatku jon zajaviŭ, što «Hitler zabiŭ ruskich našmat bolš, čym habrejaŭ, – 25-30 miljonaŭ čałaviek». Ale heta režysioru padałosia niedastatkovsv, jon pieraklučyŭsia ŭ režym prykładnoj kanśpirałohii i skazaŭ, što «habrejskija pieravaha ŭ ŚMI ZŠA pryviała da taho, što Chałakost atrymaŭ bolšuju ŭvahu, čym tyja miljony śmierciaŭ, jakija byli ŭ Rasii ŭ Druhoj suśvietnaj vajnie».
I pašyryŭ ŭpłyŭ habrejaŭ na ŭsiu palityku Złučanych Štataŭ:«Heta asnoŭnaje łobi ŭ ZŠA. Jany pracaŭniki, jany adkazvajuć na kožny kamientar... Izrail źniasłaviŭ amierykanskuju zamiežnuju palityku na doŭhija hady».
Takija śćvierdžańni zapatrabavali adekvatnaha adkazu, i jon nieadkładna źjaviŭsia.
Užo ŭ paniadziełak na Stoŭna nasieli asnoŭnyja habrejskija arhanizacyi nakštałt Amierykanskaha habrejskaha kamiteta, jakija nie praminuli taho kab paraŭnać režysiora ź jašče adnym enfant terrible Halivuda. «Jaho słovy ničym nie adroźnivajucca ad pjanych, napyšlivych antysiemickich pramovaŭ jaho siabruka Meła Hibsana", - havorycca ŭ zajavie Kamiteta. Z hetaj nahody adpisalisia praktyčna ŭsie vyšejzhadanyja ŚMI ZŠA razam z prymknułych da ich najbujniejšymi anhlijskimi i izrailskimi vydańniami - ad The New York Times da Jerusalem Post i Jewish Chronicle.
Kožny artykuł cytavaŭ intervju i tłumačyŭ, čamu Stoŭn nie maje racyi ŭ svaich vydumkach.
Na fonie davoli ŭzvažanych kamientaryjaŭ sustrakalisia i takija, jak, naprykład, u Philadelphia Daily News, dzie adkrytym tekstam havaryłasia, što ruskich zabivać było možna, bo vajna, a voś habrejam Hitler vajny nie abjaŭlaŭ, i tamu zabivać ich było nielha. Zrešty, padobnyja dumki, na ščaście, traplalisia ŭ druku vielmi i vielmi redka. Suprać vykazvańniaŭ Stoŭna vystupiŭ i izrailski ministr pa spravach dyjaspar Julij Edelštiejn: «Svajo nievuctva jon (Stoŭn) dakazvaje svaimi kamientarami, a jaho demanizacyja habrejskaha naroda całkam padychodzić na rolu sikveła da «Pratakołaŭ sijonskich mudracoŭ».
Buča padniałasia vialikaja, i Stoŭn vymušany byŭ apraŭdacca.
«Vidavočna, što habrei nie kantralujuć ŚMI ci niejkuju inšuju industryju», - pryznaŭ jon. I panarakaŭ, što vykarystaŭ niapravilnuju anałohiju, kab zhadać pra šmatlikija achviary nacystaŭ.
Z halivudskim znakamitaściami nikoli dakładna nie viadoma, kali jany kažuć toje, što dumajuć, a kali dumajuć, što kažuć. Z vyšejzhadanym Mełam Hibsanam i jaho šmatlikimi replikami z nahody tych ža habrejaŭ situacyja raźvivałasia pa adnym i tym ža scenary: Hibsan rabiŭ rezkuju zajavu, zatym ŭzdymałasia chvala narodnaha hnievu, Hibsan vybačaŭsia, i ŭsie znoŭ išli zajmacca svaimi spravami. Faktyčna režysior «Advažnaha serca» i «Pakutaŭ Chrystovych», viadomy taksama jak dobry aktor, staŭ zvykłym złom: usie viedali, što ad jaho možna čakać čaho zaŭhodna, a niadaŭni skandał z Aksanaj Hryhorjevaj tolki paćvierdziŭ padazreńni tych, chto da hetaha času nie vieryŭ ŭ mahčymaści «šalonaha Maksa».
Z Olivieram Stoŭnam składaniej: słava skandalista za im jašče nie zamacavałasia.
Zrazumieła, byŭ u jaho bijahrafii antyvajenny film «Uzvod», antyfinansavy «Uoł-stryt». Było i vystupleńnie ŭ padtrymku iranskaha prezidenta Machmuda Achmadziniežada, kali Stoŭn raskrytykavaŭ palityku ZŠA ŭ dačynieńni da Iranu, praŭda, aściarožna zaklikaŭšy spačatku vyvučyć usie fakty, pierš čym rabić vysnovy ab hetaj krainie. Vyklikali niekatory sumnieŭ i jaho kantakty z kubinskim lideram Fidelem Kastram, trochdzionnaje intervju ź jakim vyliłasia ŭ dakumientalny film «Kamandante». A toj film, z rekłamy jakoha ŭsio i pačałosia, naohuł pryśviečany Paŭdniovaj Amierycy i prezidentu Vieniesueły Uha Čaviesu, jaki pieryjadyčna abviaščaje ZŠA «impieryjaj zła».
Ale padobnyja dumki, što padryvajuć asnovy, Olivier Stoŭn vykazvaje ŭpieršyniu.
Jon, viadoma, nie čužy kanśpirałohii: u filmie pra Džona Kenedzi jon pradstaviŭ ułasnuju viersiju zabojstva ŭ Dałasie, dy i ciapier zajmajecca niečym padobnym - rychtuje zdymki «Tajemnaj historyi Amieryki», u jakoj u dziesiaci sieryjach raskaža svajo bačańnie takich pierson, jak Adolf Hitler, Iosif Stalin, Džozef Makarci i inš. Pryčym ich historyi buduć raskazanyja, jak vykazaŭsia sam režysior, «u kantekście».
A kantekst budzie prykładna nastupnym:
«Hitler byŭ niby pačvara Frankienštejna, ale ž byŭ i doktar Frankienštejn – niamieckija pramysłoŭcy, amierykancy i brytancy. U jaho była vialikaja padtrymka».Heta Stoŭn skazaŭ u kancy taho ž intervju Sunday Times, raskazvajučy pra novy prajekt. Praŭda, jon praktyčna dasłoŭna paŭtaryŭ svaje słovy, skazanyja ŭ studzieni, ale tady na ich mała chto źviarnuŭ uvahu. Ciapier jaho pakrytykavali i za ich, ale mienš aktyŭna, čym za śćvierdžańnie pra najaŭnaść habrejskaha łobi ŭ amierykanskich ŚMI.
Mabyć, sakretnaja historyja - reč nie takaja cikavaja, jak teoryja suśvietnaj zmovy, choć, miarkujučy pa ŭsim, sam režysior stavicca da jaje bolšym trymcieńniem i hatovy rekłamavać lubymi srodkami.
