Ministerstva ŭnutranych spraŭ Litvy 2 kastryčnika abjaviła, što pačało raspracoŭku planu pa padačy zajavaŭ na atrymańnie pašpartu, identyfikacyjnych kartaŭ, deklaracyi miesca žycharstva dy inšych dakumentaŭ i praceduraŭ praź internet, paviedamili karespandentu IA REGNUM u presavaj słužbie MUS. Paśla raspracoŭki prajektu i pačatku raboty pa novym pryncypie atrymać pašpart i šmat jakija inšyja dakumenty možna budzie siedziačy ŭ chacie.
Spatrebicca adno tolki zapoŭnić šerah ankietaŭ i paznačyć miesca, dzie najzručniej atrymać patrebny dakumant. Pavodle infarmacyi MUS Litvy, novy pryncyp istotna źmienšyć čas i palehčyć praceduru atrymańnia šmat jakich dakumentaŭ.
Prajekt častkova finansuje fond rehijanalha raźvićcia Eŭraźviazu. Siońnia ŭ Litvie praź internet užo možna apłacić rachunki praktyčna za ŭsie pasłuhi (kamunalnyja pasłuhi, telefon, internet, kabielnuju televiziju, bankaŭskija kredyty i h.d.), pabačyć žyvuju tranślacyju pasiadžeńniaŭ roznych instytutaŭ ułady (urad, sejm, presavyja kanferencyi palitykaŭ i h.d.), samastojna pravodzić aperacyi z padatkavymi dakumentami. Aproč taho, ad 26 vieraśnia ŭsie pasiadžeńni ŭradu Litvy možna ŭbačyć u žyvym etery z dapamohaj mabilnaj suviazi.
