Mikułaš Dzurynda, viadomy słavacki palityk, jaki niadaŭna zaniaŭ pasadu kiraŭnika MZS va ŭradzie Iviety Radzičovaj, ahučyŭ hałoŭnyja mety i pryncypy źniešniepalityčnaj linii svajoj krainy.
Pavodle ministra, zamiežnaja palityka krainy budzie budavacca na pryncypach adkrytaści i prazrystaści i budzie padkantrolnaj z boku hramadstva. U asnovu źniešniepalityčnaj linii Słavakii buduć zakładzienyja takija tradycyjnyja jeŭrapiejskija kaštoŭnaści, jak prava na žyćcio, asabistuju svabodu i pavahu čałaviečaj hodnaści. Pavodle hetaj pryčyny, Słavakija najbližejšym časam abmiažuje kantakty z krainami, dzie majuć miesca hrubyja parušeńni pravoŭ čałavieka i jaho asabistych svabodaŭ. U jakaści prykładu Dzurynda pryvioŭ takija krainy, jak Biełaruś i Kubu. «Z adnaho boku, my nadajom vialikaje značeńnie ekanamičnym intaresam, adnak ź inšaha boku, my pavinny nie zabyvacca fundamientalnyja pryncypy i kaštoŭnaści».
Adnačasna Słavakija budzie ŭsialak padtrymlivać prajekty, nakiravanyja na jeŭrapiejskuju intehracyju i madernizacyju Ŭkrainy.
U časy znachodžańnia Mikułaša Dzuryndy na pasadzie premjera (1998–2006) i v.a. prezidenta (1998–1999) Słavakija siabram ES i NATO.
