Rasija raźmiaściła ŭ Abchazii i Paŭdniovaj Asiecii sistemy SPA 4

Sistemy SPA, raźmieščanyja ŭ Abchazii i Paŭdniovaj Asiecii, buduć źbivać lubyja latalnyja aparaty, jakija ŭvarvucca ŭ pavietranuju prastoru hetych respublik, zajaŭlaje Maskva.

Hałoŭnakamandujučy Vajenna-pavietranych siłaŭ RF hienierał-pałkoŭnik Alaksandr Zielin zajaviŭ u sieradu, što dla prykryćcia rasijskaj vajennaj bazy ŭ Abchazii razhornutaja zienitnaja rakietnaja sistema S-300.

Razam z vajskovymi srodkami SPA, dadaŭ jon, jana taksama budzie abaraniać pavietranuju prastoru Paŭdniovaj Asiecii.

Pry hetym Alaksandr Zielin udakładniŭ, što S-300 budzie prykryvać tolki pavietranuju prastoru Abchazii, u toj čas jak supraćpavietranaj abaronaj Paŭdniovaj Asiecii buduć zajmacca srodki SPA rasijskich suchaputnych vojskaŭ.

Akramia hetaha, u zabiaśpiečańni abarony terytoryj Abchazii i Paŭdniovaj Asiecii budzie ŭdzielničać frantavaja i vajskovaja avijacyja, skazaŭ hałoŭnakamandujučy VPS Rasii.

Štab rasijskaj vajskovaj bazy ŭ Abchazii dysłakujecca ŭ Hudaŭcie.

U Jeŭrasajuzie i NATA nieadnarazova padkreślivali, što rasijskaja vajskovaja prysutnaść u Abchazii i Paŭdniovaj Asiecii parušaje terytaryjalnuju cełasnaść Hruzii i ŭjaŭlaje pahrozu jaje biaśpiecy.

Pieravažnaja bolšaść krain śvietu da hetaha času nie pryznała dźvie respubliki suvierennymi dziaržavami; heta zrabili tolki Rasija, Nikarahua, Vieniesueła i Nauru.

Hruzija ličyć Abchaziju i Paŭdniovuju Asieciju častkaj svajoj terytoryi.

0

0

0

0

0

0

bbc.co.uk

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH