22-hadovy žychar Sieńnienskaha rajona, jaki abvinavačvajecca ŭ zabojstvie svajoj siabroŭki i jaje maci, pryznaŭ svaju vinu ŭ poŭnym ab`iomie. Ab hetym paviedamili ŭ prakuratury Mahiloŭskaj vobłaści.
Nahadajem, 5 žniŭnia prykładna ŭ 2.00 małady čałaviek pranik u dom 37-hadovaj žycharki vioski Haviady (Škłoŭski rajon Mahiloŭskaj vobłaści). Jon nanios žančynie nažavyja ranieńni hrudnoj kletki, ad jakich jana pamierła na miescy. Množnyja ranieńni žyvata, hrudnoj kletki, kaniečnaściej atrymała 17-hadovaja dačka haspadyni. Paźniej dziaŭčyna pamierła ŭ balnicy. Złačynca taksama napaŭ na 39-hadovaha baćku, jaki vyjšaŭ na šum ź inšaha pakoju. Jon z ranieńniami byŭ pamieščany ŭ Škłoŭskuju rajonnuju balnicu. 12-hadovy syn haspadaroŭ, jaki znachodziŭsia ŭ domie ŭ momant učynieńnia złačynstva, nie paciarpieŭ.
Viadoma, što sa studzienia pa maj hetaha hoda padazrony padtrymlivaŭ siabroŭskija adnosiny z zahinułaj dziaŭčynaj.
13 žniŭnia maładomu čałavieku prad`iaŭlena abvinavačańnie va ŭčynieńni złačynstva, praduhledžanaha p. 1 č. 2 art. 139 Kryminalnaha kodeksa (zabojstva dvuch i bolš asob). Kryminalnaja sprava raspačata śledčym adździełam prakuratury Mahiloŭskaj vobłaści pa Škłoŭskim rajonie.
Jak paviedamiŭ surazmoŭca ahienctva, sa słoŭ maładoha čałavieka, zabojstva dziaŭčyny jon učyniŭ z reŭnaści i z-za taho, što jana zrabiła abort.
