Vielmi mnohija mužčyny i žančyny roznych uzrostaŭ – ad 15 da 55 – ličać, što virtualny seks – heta niešta niapravilnaje. Časta ludzi, jakija tak kažuć, sami nie mieli nijakaha vopytu ŭ virtualnym seksie.Ale aceńvać hety bok žyćcia jany rvucca. Hetaja situacyja nahadvaje čas, kali tolki-tolki źjavilisia televizary, i mnohija ludzi ź pienaj la rota dakazvali, što heta – pavievy djabła, raspusta čałaviectva i h.d. Pasprabujem razabracca, ci źjaŭlajecca virtualny seks čymści niebiaśpiečnym, supiarečyć jon pryrodzie čałavieka, ci heta prosta jašče adzin instrumient dla zadavalnieńnia seksualna-eratyčnych patrebaŭ mužčyn i žančyn.
Chto bolš za ŭsio zajmajecca virtualnym seksam? Padletki.Raniej masturbacyja pierad časopisam, televizaram, ciapier – pierad manitoram. Pa sutnaści ničoha nie źmianiłasia. Raniej ujaŭleńnie ŭklučałasia z dapamohaj vizualnaha stymułu, ciapier źjaviłasia pačućcio prynaležnaści. Nu niama ŭ padletkaŭ jašče mahčymaści hetym zaniacca realna, što zrobiš. Žyć niejak treba. A tut, zdajecca, i nie cicha sam z saboju, a navat nakštałt jak z kimści. Ujaŭleńnie dapamoža. A raniej što, było pa-inšamu? Dy toje samaje.
Ale jak rastłumačyć toje, što darosłyja mužčyny i žančyny zajmajucca tym samym?Im ža možna i tak. A tut raptam niejki virtualny seks. Moža, tut vyčvarenstvam patychaje? Nie, tut usio prosta. Što tam nakont šlubnaj viernaści? Heta ž vyklučna hramadskaja norma marali. Vychavańnie, tak skazać, i ŭsio takoje. A ŭ dumkach što? Nu tak, jość ludzi, jakija zachoŭvajuć viernaść adno adnamu vyklučna dziakujučy lubovi da bližniaha svajho, bieskaryśliva, dobraachvotna i ni pra koha inšaha navat nie dumajučy. Čuli pra takich. U kino paru razoŭ dy ŭ litaratury, pieravažna kłasičnaj. A najavie što?
Jašče adna pryčyna. Voś zachodziać u čat chłopcy i dziaŭčaty. Pačynajuć la-la. Znajomiacca. Dalej treba pra što-niebudź bolš intelektualnaje pahavaryć. Ale abmiarkoŭvać prablemu pavarotu paŭnočnych rek u Siaredniuju Aziju ŭ čacie nie z ruki – i narodu šmat, niajomka, dy i abstanoŭka nie taja. Možna pahavaryć pra niešta bolš asabistaje, ale nie budziem ža my ź pieršym sustrečnym na asabistyja temy razmaŭlać, svajo žyćcio i prablemy abmiarkoŭvać! Tamu i pačynajucca razmovy pra seks ź pierachodam u toj samy seks virtualny. Čamu? Dy tamu, što heta takaja tema – nijakaja. Havaryć možna z kim zaŭhodna, navat nie viedajučy dobra čałavieka. Tak, ludziam, jakija nieznajomyja sa znosinami ŭ čacie, heta moža zdacca niezrazumiełym – jak tak! Seks – heta ž niejki najvyšejšy etap u znosinach ludziej. Jano tak, dy nie zusim. Navat u žyćci seks daloka nie zaŭsiody źjaŭlajecca hetym samym najvyšejšym etapam. A ŭžo ŭ virtualnaści...
Cikavy toj fakt, što bolšaść ludziej ličyć, što pa adčuvańniach virtualny seks našmat słabiejšy za realny. Ale čamuści razmovy pra virtualny seks vielmi papularnyja,i vielmi mnohija ludzi praciahvajuć uparta cikavicca hetym bokam virtualnych stasunkaŭ. Tym nie mienš, bolšaść nie moža vykazać svajo staŭleńnie da hetaj temy. Mnohija ličać, što virtualny seks dazvalaje im rassłabicca, inšyja ž vykarystoŭvajuć jaho dla pačatku realnych adnosinaŭ.
Padčas analizu hetaj prablemy važna ŭličvać jašče adno. U našym hramadstvie tema seksu tak ci inakš tabujavanaja. Adkrytyja razmovy na temu seksualnych adnosinaŭ časta znachodziacca pad asabistaj zabaronaj. A virtualnym seksam vielmi časta zajmajucca ludzi, jakija chočuć adkryta i nie azirajučysia na možna i nielha, parazmaŭlać na hetuju temu, daviedacca pra fantazii, žadańni i dośvied inšych ludziej.
Naša hramadstva ciapier ujaŭlaje saboj niejkuju cikavuju sumieś procilehłych tendencyjaŭ. Adna ź ich – niejkaje purytanstva, a druhaja – poŭnaja seksualnaja ŭsiodazvolenaść. Heta taksama nakładaje adbitak. Z adnaho boku, u mnohich ludziej, jak mužčyn, tak i žančyn, pračynajecca cikavaść da "zabaronienych" seksualnych adnosinaŭ – hrupavy seks, adnapołaje kachańnie i h.d. Pryčym "aficyjna" ŭ hramadstvie prapahandujecca admoŭnaje staŭleńnie da takoha kštałtu rečaŭ. Ale ž z žadańniami ničoha nie zrobiš. I ludziam davodzicca na publicy hanić, a ŭ situacyi ananimnych virtualnych stasunkaŭ... Vielmi časta ŭ situacyi virtualnaha seksu ludzi sprabujuć "realizavać" žadańni, jakija ŭ realnaści jany bajacca niejak vykazać.
Čysta technična (zychodziačy ź fizijałohii) virtualny seks – heta siaredniaje pamiž zvyčajnym seksam i masturbacyjaj. Ale heta zusim nie tłumačyć pryčynu jaho šyrokaj papularnaści.
Jakija možna znajści sacyjalnyja pryčyny hetaj źjavy? Napeŭna, žadańnie raznastaić svajo seksualnaje žyćcio ŭłaścivaje bolšaści narmalnych ludziej.Pry hetym u našym hramadstvie, a tym bolš na niekalki dziesiacihodździaŭ raniej, hetyja narmalnyja imknieńni skoŭvalisia i praciahvajuć skoŭvacca hramadskimi normami marali. Čamu heta adbyvajecca, zrazumieła. Mužčyna jak bijałahičnaja istota imkniecca apładnić maksimalnuju kolkaść žančyn – heta ŭvachodzić u jaho bijałahičny "abaviazak" i źjaŭlajecca svajho kštałtu harantam vyžyvańnia čałaviectva. Pry hetym žančyna jak bijałahičnaja istota imkniecca ŭtrymać kala siabie mužčynu – heta źjaŭlajecca harantyj vyžyvańnia jaje i jaje dziaciej; taksama nieabchodnaja ŭmova dla vyžyvańnia čałaviečaha rodu.
Viernaść i zdrada – heta katehoryi vyklučna čałaviečaha žyćcia. Jany źjaŭlajucca sacyjalnymi ŭtvareńniami. Siamja jak takaja naŭprost zaležyć ad taho sacyjalnaha kantekstu, u jakim znachodzicca.Kali ŭzhadać Spartu, to tam ličyłasia całkam narmalnym, kali žonka praviadzie noč z pryjezdžym kupcom i narodzić ad jaho dzicia, – heta było nieabchodna dla hiennaha abnaŭleńnia. U rasijskich vioskach u peŭny pieryjad samaj zajzdrosnaj niaviestaj była taja, u jakoj byli dzieci, – heta było harantyjaj, što žančyna nie biaspłodnaja. Siońnia raspaŭsiudžanaja norma viernaści. Pry hetym lubaja "norma" ci "praviła" źjaŭlajucca jak procivaha peŭnaj tendencyi ŭ pavodzinach čałavieka, to bok hramadskaja maral paklikanaja kiravać pavodzinami ludziej, nie dajučy prajavicca žadańniam, jakija mohuć parušyć isnyja hramadskija sistemy. I naturalna, što ludzi imknucca abychodzić lubyja zabarony.
Virtualny seks časta źjaŭlajecca svajho kštałtu procidziejańniem isnym u nas u dadzieny pieryjad siamiejnych normaŭ i kaštoŭnaściaŭ.
U suviazi z hetym paŭstaje pytańnie: ci moža virtualny seks być niebiaśpiekaj dla hramadstva, ci moža być pryčynaj razbureńnia siemjaŭ? Chutčej za ŭsio, nie. Virtualny seks – heta ŭsiaho tolki adzin z sučasnych miechanizmaŭ prajavy hłybinnych zapatrabavańniaŭ čałavieka.
Siamiejnyja ludzi pačynajuć cikavicca virtualnym seksam, kali seksualny partnior im nadakučvaje i chočacca čahości novaha. Pry hetym normy marali pieraškadžajuć tamu, kab zavodzić realnych kachankaŭ. Virtualny seks sam pa sabie jość tolki adlustravańniem prablem abo žadańniaŭ kankretnych ludziej. Vielmi časta virtualny seks navat spryjaje zachavańniu narmalnych uzajemaadnosin u siamji, dazvalajučy ludziam realizavać svaje "zabaronienyja" žadańni.
