Kamitet dziaržaŭnaha kantrolu Biełarusi budzie vyjaŭlać i spyniać vypłaty zarabotnaj płaty «ŭ kanviertach». Z hetaj metaj rasparadžeńniem staršyni Kamiteta dziaržaŭnaha kantrolu Zianona Łomacia stvoranaja pracoŭnaja hrupa, u skład jakoj uvajšli pradstaŭniki Kamiteta dziaržkantrolu, KDB, MUS, Hienieralnaj prakuratury, Ministerstva pa padatkach i zborach, Minekanomiki, Minpracy i sacabarony, Nacyjanalnaha statystyčnaha kamiteta. Jana budzie pracavać z 23 žniŭnia pa 23 vieraśnia. Jaje asnoŭnaja zadača — vyśvietlić pryčyny, pa jakich asobnyja najmalniki vypłačvajuć rabotnikam zarobak u pamiery, nižejšym za biudžet pražytačnaha minimumu (na 1 žniŭnia 2010 składaŭ Br274 tys.), a taksama nižejšym za $200 u ekvivalencie.
KDK pravioŭ papiaredni analiz taho, jak vykonvajucca prahnoznyja pakazčyki pa roście zarabotnaj płaty ŭ adpaviednaści z Prahramaj
Stvoranaja pracoŭnaja hrupa, a taksama anałahičnyja hrupy ŭ abłaściach pavinnyja vyśvietlić pryčyny taho, čamu heta adbyvajecca, u pryvatnaści, na pradpryjemstvach bieź viedamasnaj padparadkavanaści. Takich pradpryjemstvaŭ, dzie zarobak składaje mienš za $200, u respublicy bolš za 30 tys. U toj ža čas, na rachunkach hetych pradpryjemstvaŭ jość dastatkova vialikija hrošy. Jość padstavy mierkavać, što ŭ asobnych vypadkach maje miesca vypłata zarobku «ŭ kanviertach», uchileńnie ad vypłaty padatkaŭ, a taksama nievykanańnie pracoŭnaha zakanadaŭstva padčas pryjomu na pracu.
Na žal, niekatoryja hramadzianie sami nie nadajuć značeńnia faktu vypłaty zarobku «ŭ kanviertach», adznačyła Ała Mikałuckaja. U hetym vypadku ludzi nie zadumvajucca, jakija sacyjalnyja harantyi jany stračvajuć. Zhadžajučysia na zarabotnuju płatu «ŭ kanviertach», nie zaklučyŭšy padčas pryjomu na pracu pracoŭnuju damovu, pracaŭnik pazbaŭlajecca dapamohi pa časovaj niepracazdolnaści i mahčymaści zabiaśpiečyć hodnuju krynicu prybytku pry vychadzie na piensiju pa ŭzroście. Jašče adzin važny aśpiekt ŭ hetym pytańni — niepastupleńnie ŭ biudžet sumy padatkaŭ i płaciažoŭ z zarabotnaj płaty, jakija, u tym liku, iduć na vypłatu piensij, stypiendyj, zarobku rabotnikam biudžetnaj śfiery.
Ciapier u Kamitecie dziaržkantrolu adkryty telefon haračaj linii pa pytańni vypłaty zarobku «ŭ kanviertach». Da 6 vieraśnia žychary Biełarusi mohuć paviedamić pra padobnyja fakty na haračuju liniju (teł. (017) 222 29 27) abo dasłać elektronnaje paviedamleńnie na sajt Kamiteta dziaržkantrolu (raździeł «Haračaja linija»). Telefony haračaj linii buduć dziejničać i ŭ abłaściach.
Pa dadzienych Kamiteta dziaržkantrolu, u 2010 finansavaj milicyjaj KDK raspačaty šerah kryminalnych spravaŭ. Barysaŭskim mižrajonnym adździełam finansavych rasśledavańniaŭ raspačataja kryminalnaja sprava ŭ dačynieńni da dyrektara pryvatnaha pradpryjemstva. Padčas apieratyŭnych mierapryjemstvaŭ było vyśvietlena, što kiraŭnik firmy ciaham 2007–2009 vypłačvaŭ pracaŭnikam zarobak «u kanviertach» zvyš tych sumaŭ, jakija prachodzili pa aficyjnaj buchhałteryi. Hetaja infarmacyja była paćvierdžanaja padčas apytańniaŭ rabotnikaŭ hetaha pradpryjemstva. Usiaho pa čornaj buchhałteryi byŭ vypłačany zarobak 43 supracoŭnikam dadzienaj firmy — ahułam bolš za Br161,3 młn. U vyniku dziaržavie była naniesienaja škoda ŭ vyhladzie niavypłaty abaviazkovych strachavych unioskaŭ u Fond sacyjalnaj abarony nasielnictva Minpracy i sacabarony ahułam u Br56, 5 młn. U dačynieńni da dyrektara firmy raspačataja kryminalnaja sprava pa č. 2 art. 216 (majomasnaja škoda biez prykmietaŭ kradziažu) KK. Kryminalnaja sprava nakiravanaja ŭ sud.
