Užo złamana bolš za paŭsotniu namiotavych haradkoŭ kačavoha naroda. Jeŭrapiejskaja kamisija pakul nie ličyć praceduru vyhnańnia cyhanaŭ parušeńniemjakich-niebudź zakonaŭ.
U čaćvier 79 cyhanaŭ, jakija doŭhi čas žyli ŭ Francyi, buduć pasadžanyja na samalot i adpraŭlenyja na radzimu — u Rumyniju. U Jelisiejskim pałacy hetuju praceduru nazyvajuć dobraachvotnaj repatryjacyjaj. Zrešty, ci byli ŭ cyhanaŭ inšyja varyjanty dziejańniaŭ, aproč vyjezdu za miažu, nie paviedamlajecca.
Za zhodu na vylet kožny cyhan atrymaje 300 jeŭra, niepaŭnaletnim budzie vydatkavana pa 100 jeŭra.
Zastavacca ŭ Francyi jany ŭsio roŭna ŭžo nie mohuć — ułady razburyli ich pasieliščy, jakija ŭjaŭlajuć saboj skapleńni namiotaŭ, budak i inšych zbudavańniaŭ, pieraroblenych pad žytło. Pa apošnich dadzienych, byŭ źniesieny 51 łahier. Raniej urad Francyi pryniaŭ rašeńnie ab likvidacyi bolš za 300 niezakonnych cyhanskich pasieliščaŭ, raskidanych pa ŭsioj krainie.
U Paryžy zajavili, što łahiery źjaŭlajucca «krynicaj handlu ludźmi, žudasnych umovaŭ žyćcia, ekspłuatacyi dziaciej z metaj žabravańnia, prastytucyi i złačynnaści», paviedamlaje«Bi-bi-si» .
Na fonie hetych mierapryjemstvaŭ u adras Francyi nie raz hučali abvinavačvańni ŭ parušeńni pravoŭ čałavieka. Zrešty, pradstaŭniki Jeŭrapiejskaj kamisii — najvyšejšaha orhana vykanaŭčaj ułady Jeŭrasajuza — zajavili, što nie ličać departacyju cyhan «masavaj vysyłkaj». Z 15 tysiač pradstaŭnikoŭ hetaha naroda za miažu płanujecca adpravić 700 čałaviek. Dy i tyja, chto źjechaŭ, pa słovach aficyjnaha pradstaŭnika Jeŭrakamisii Mećju Ńjumana, majuć prava viarnucca nazad u Francyju: hramadzianie ES mohuć svabodna pieramiaščacca pa krainach — siabrach sajuza. «Ništo im nie pieraškadžaje ŭžo na nastupny dzień pryjechać nazad», — dadaŭ Ńjuman. Ale kab zastacca ŭ Francyi, jany pavinnyja mieć dazvoł na pracu i vid na žycharstva.
Druhi rejs z cyhanami vylataje na nastupnym tydni, a jašče adzin pryznačany na vierasień.
Na 26 žniŭnia pryznačanaja vysyłka 132 cyhanaŭ u Rumyniju, jašče 160 buduć nakiravanyja ŭ Bałharyju.
U Rumynii niervova adreahavali na rašeńnie Francyi. Ministr zamiežnych spravaŭ Teador Bakanšy ŭžo vykazaŭ svaju zakłapočanaść z nahody nastupstvaŭ vysyłki. «Ja chvalujusia praz ryzyku, źviazanuju z papulizmam i ksienafobijaj na fonie ekanamičnaha kryzisu», — skazaŭ jon. Akramia taho, kiraŭnik rumynskaha MZS dadaŭ, što spadziajecca na poŭnuju zakonnaść pracedury adpraŭleńnia cyhan na histaryčnuju radzimu.
A na nastupnym tydni adbudziecca sustreča ministra ŭnutranych spravaŭ Francyi Brysa Artefe z delehacyjaj čynoŭnikaŭ z Rumynii, siarod jakich budzie hiensakratar pa pytańniach intehracyi cyhanaŭ Valancin Makanu. Jany majuć namier abmierkavać situacyju z vysyłkaj i dalejšym pražyvańniem kačavoha naroda.
Jak zajaŭlajuć ŭłady Francyi, cyhany sami vymusili vykarystać žorstkija miery.U siaredzinie lipienia 2010 adbylisia sutyknieńni niekalkich supołak z palicyjaj.
Biesparadki pačalisia ŭ horadzie Hrenobl, dzie palicejskija pasprabavali zatrymać žychara prablemnaha mihranckaha rajona Karmi Bududu i jaho pryjaciela, jakija abrabavali haradskoje kazino. U pierastrełcy Bududa byŭ zabity. Žychary rajona vyjšli na vulicy z kamianiami i biejsbolnymi bitami pomścić za zahinułaha. Na nastupny dzień pahromy praciahnulisia ŭžo ŭ centry Francyi, u nievialikim horadzie
Pravaparušalnik nie padparadkavaŭsia zahadu spynicca, źbiŭ adnaho z palicejskich, a potym na poŭnaj chutkaści ŭjechaŭ u pastaŭleny na darozie kardon. Supracoŭniki pravaachoŭnych orhanaŭ adkryli stralbu pa jaho mašynie. Ad atrymanych ranieńniaŭ cyhan pamier na miescy. Paśla hetych padziej prezident Nikala Sarkazi sabraŭ ministraŭ na naradu i prapanavaŭ likvidavać namiotavyja łahiery cyhanaŭ, a ich nasielnikaŭ vysłać z krainy.
