Namieśnik ministra adukacyi: «My ŭžo daŭno ŭ Bałonskim pracesie» 1

Paśla dałučeńnia Biełarusi da Bałonskaha pracesu ŭ sistemie biełaruskaj adukacyi nie adbudziecca «praktyčna nijakich źmien» — ni ŭ terminach navučańnia, ni ŭ źmieście prahram.

Pra heta na pres-kanfierencyi 19 žniŭnia ŭ Minsku zajaviŭ namieśnik ministra adukacyi Kazimir Faryno.

«My ŭžo daŭno, bolš za piać hadoŭ, u Bałonskim pracesie», — zaŭvažyŭ Faryno. Jon nahadaŭ, što Biełaruś padpisała Kanviencyju ab pryznańni kvalifikacyj, jakija adnosiacca da vyšejšaj adukacyi ŭ Jeŭrapiejskim rehijonie (Lisabonskaja kanviencyja). Pavodle jaho słoŭ, u Biełarusi ŭviedziena dvuchstupieńčataja sistema vyšejšaj adukacyi — bakałaŭryjat i mahistratura. «U kožnaj krainy svaje terminy navučańnia, — rastłumačyŭ namieśnik ministra. — U nas skłalisia svaje padychody navučańnia, i jany buduć zachoŭvacca. Bakałaŭryjat — try-čatyry hady i mahistratura — dva-try hady ŭ zaležnaści ad śpiecyjalnaści». «Nie treba bajacca budučaha padpisańnia Biełaruśsiu kanviencyi ab uvachodzie ŭ Bałonski praces — heta narmalna», — dadaŭ jon.

Nahadajem, 23 lipienia 2010 hoda Alaksandr Łukašenka daručyŭ ministru adukacyi Alaksandru Radźkovu pačać praceduru dałučeńnia Biełarusi da Bałonskaha pracesu. Asnoŭnaj metaj Bałonskaha pracesu, pavodle infarmacyi pres-słužby prezidenta, źjaŭlajecca «stvareńnie Jeŭrapiejskaj prastory vyšejšaj adukacyi i jaho dalejšaje ŭdaskanaleńnie», što «dazvolić pavialičyć pryvabnaść i kankurentazdolnaść jeŭrapiejskaj adukacyi ŭ sučasnym śviecie».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH