Pasoł Ukrainy: Biełaruś moža atrymać urok z ukrainska-rasijskich adnosin

Padčas anłajn-kanfierencyi na sajcie naviny.by pasoł Ukrainy ŭ Biełarusi Raman Biaśśmiertny pravioŭ paraleli pamiž ukrainska-rasijskimi adnosinami padčas hazavaha kanfliktu i ciapierašnim stanam adnosin Biełarusi i Rasii.

«Ja b pastaviŭ pytańnie pra ŭroki ŭkrainska-rasijskich adnosin dla Respubliki Biełaruś», — adznačyŭ dypłamat.

«Što da historyi dźviuch- ci trochhadovaj daŭnaści, źviazanaj z dyjałoham ci dyskusijaj, jakaja była vyklikanaja pytańniem cany na haz, to ja chaču skazać, što adkaz na heta pytańnie viadomy ŭsim: čym chutčej usie dziaržavy, krainy, jakija vyjšli z čerava Savieckaha Sajuza, piarojduć na realnyja handlovyja i ekanamičnyja adnosiny, tym mienš budzie ŭźnikać takich dyskusij, jakija byli pamiž uradam Ukrainy i ŭradam Rasijskaj Fiederacyi nakont cany na haz. Čym chutčej buduć urehulavanyja hetyja pytańni, tym bolš źmiastoŭnym i hłybokim budzie supracoŭnictva».

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH