Milicyjanty zatrymali aktyvista Ruchu «Za Svabodu» za raspaŭsiud ŭ centry horada ulotki «Heta nie pavinna paŭtarycca!»
Brescki aktyvist Ruchu «Za Svabodu» Raman Kiślak na vulicy Savieckaja razdavaŭ minakam ulotku, jakaja źmiaščaje infarmacyju pra vypadki źniknieńniaŭ u naviejšaj palityčnaj historyi Biełarusi, a taksama źviestki pra situacyju z ratyfikacyjaj Biełaruśsiu Kanviencyi AAN dla abarony ŭsich asobaŭ ad hvałtoŭnych źniknieńniaŭ. Hety dakumient, pry papiaredniaj zhodzie, naša kraina nie padpisała dahetul.
Aktyvist raspaŭsiudziŭ takim čynam 50 ulotak. Kali akcyja skončyłasia, da aktyvista padyšli dva čałavieka ŭ cyvilnym. Jany pradstavilisia supracoŭnikami AMAP Bresckaha UUS. Kiślaka adviali ŭ RAUS Leninskaha rajona. Tam u aktyvista ŭziali tłumačeńni i praź niekatory čas adpuścili.
Nahadajem, zajaŭleny na 30 žniŭnia mitynh byŭ zabaronieny haradskimi ŭładami. Tym nie mienš, aktyvist Ruchu «Za Svabodu» Raman Kiślak u Mižnarodny dzień achviaraŭ hvałtoŭnych źniknieńniaŭ pryniaŭ rašeńnie pravieści infarmavańnie nasielnictva pa zhadana prablemie.
