1 vieraśnia pavyšany taryfy na pasłuhi paštovaj i elektrasuviazi, paviedamili ŭpres-słužbie Ministerstva ekanomiki.
Heta praduhledžana pastanovaj Minekanomiki № 125 ad 18 žniŭnia 2010 hoda. Jak rastłumačyli ŭ
Zhodna z dakumientam, taryfy na pasłuhi paštovaj suviazi ahulnaha karystańnia, jakija akazvajucca nasielnictvu, jurydyčnym asobam i indyvidualnym pradprymalnikam, pavyšany ŭ siarednim na 10%, na pasłuhi elektrasuviazi — na 7,1%.
Pry hetym taryf na pierasyłku paštovaj kartki pavyšany na 20 rubloŭ i ŭstanoŭleny ŭ pamiery 250 rubloŭ, taryf na pierasyłku prostaha lista masaj da 20 h pavyšany na 30 rubloŭ i składaje 320 rubloŭ. Abaniemientnaja płata dla nasielnictva za karystańnie telefonam u sietkach, pieraviedzienych na pačasovuju sistemu apłaty, pavyšana na 500 rubloŭ i składaje 2.900 rubloŭ u miesiac, u sietkach, nie pieraviedzienych na pačasovuju sistemu apłaty, — na 600 rubloŭ (4.200 rubloŭ u miesiac), abaniemientnaja płata za radyjokropku składaje 800 rubloŭ u miesiac.
Prykładna ŭ takich ža pamierach pavyšany taryfy na hetyja pasłuhi dla jurydyčnych asob i indyvidualnych pradprymalnikaŭ.
«Nieabchodnaść pavyšeńnia taryfaŭ abumoŭlena ich stratnaściu», — prakamientavali ŭ Minekanomiki.