U troch handlaroŭ na «Ždanovičach» kanfiskavana 150 DVD z parnahrafijaj

2 vieraśnia supracoŭniki ŭpraŭleńnia pa narkakantroli i supraćdziejańni handlu ludźmi HUUS Minharvykankama padčas praviadzieńnia apieratyŭna-vyšukovych mierapryjemstvaŭ zatrymali na «Pole cudaŭ» — adnoj z handlovych placovak, raźmieščanych na terytoryi Handlovaha doma «Ždanovičy», troch maładych ludziej. Jany realizoŭvali DVD parnahrafičnaha źmiestu.

Jak paviedamili ŭ adździele infarmacyi i hramadskich suviaziaŭ HUUS Minharvykankama, kanfiskavana ŭsiaho prykładna 150 dyskaŭ. Pryznačana mastactvaznaŭčaja ekśpiertyza. U vypadku kali jana paćvierdzić vyvady apieratyŭnikaŭ, u dačynieńni da zatrymanych buduć raspačaty kryminalnyja spravy za vyrab i raspaŭsiudžvańnie pradukcyi parnahrafičnaha źmiestu (art. 343 KK).

Pavodle danych HUUS, z pačatku hoda ŭ stalicy było kanfiskavana prykładna 1.500 parnahrafičnych dyskaŭ. U mai likvidavana cełaja studyja, jakaja zajmałasia tyražavańniem takoj pradukcyi z vykarystańniem kampjutarnaj i kapijavalna-razmnažalnaj techniki (jana vykarystoŭvałasia dla vyrabu palihrafičnaha ŭpakoŭki). Bolš za 15 čałaviek pryciahnuty da kryminalnaj adkaznaści.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH