Pazačarhovaja, piataja, siesija Pałaty pradstaŭnikoŭ Nacyjanalnaha schodu Biełarusi projdzie 7 vieraśnia ŭ Minsku. Ukaz ab jaje sklikańni Alaksandr Łukašenka padpisaŭ 19 lipienia.
U paradak dnia siesii ŭklučanyja zakonaprajekty «Ab respublikanskim biudžecie na 2011 hod» i «Ab biudžecie dziaržaŭnaha pazabiudžetnaha Fondu sacyjalnaj abarony nasielnictva Ministerstva pracy i sacyjalnaj abarony Respubliki Biełaruś na 2011 hod», papraŭki ŭ Padatkovy i Biudžetny kodeksy.
Napiaredadni prajekt biudžetu na 2011 hod pradstaviŭ deputatam na pašyranym pasiadžeńni kamisii Pałaty pradstaŭnikoŭ pa biudžecie, finansach i padatkovaj palitycy ministr finansaŭ Biełarusi Andrej Charkaviec. «U nastupnym hodzie my vychodzim na dakryzisnyja tempy raźvićcia biudžetnaha siektara», — zajaviŭ jon.
Charkaviec paviedamiŭ, što dachody kansalidavanaha biudžetu krainy zapłanavanyja ŭ pamiery 54,5 trłn. rubloŭ, što składaje 118,1% da acenki dachodaŭ biudžetu hetaha hoda.
Pavodle słoŭ ministra, struktura dachodaŭ biudžetu nie mianiajecca. «Asnoŭnuju jaho dolu prynosić PDK — 35%, padatak na prybytak — 10%, dachody ad źniešnieekanamičnaj dziejnaści — 13%, akcyzy — kala 10%», — skazaŭ jon.
Raschody biudžetu płanujucca na ŭzroŭni 60,5 trłn. rubloŭ. Pavodle słoŭ Charkaŭca, raschody sfarmiravanyja z ulikam takoha pryjarytetu, jak rost dachodaŭ nasielnictva, zaniataha ŭ biudžetnym siektary. «Zakładzienyja srodki dazvalajuć harantavać rost siaredniamiesiačnaj zarabotnaj płaty, stypiendyj, inšych vypłat u paraŭnańni z hetym hodam na 35%», — skazaŭ jon.
Bazavyja haliny sacyjalnaj śfiery — achova zdaroŭja, adukacyja, sacyjalnaja palityka — zabiaśpiečany biudžetnymi asihnavańniami z rostam da acenki hetaha hoda adpaviedna na 36, 45 i 35%.
U cełym raschody na nacyjanalnuju ekanomiku krainy, paviedamiŭ Charkaviec, zapłanavany ŭ pamiery 7,2 trłn. rubloŭ.
Deficyt biudžetu na 2011 hod zapłanavany ŭ pamiery 6 trłn. rubloŭ, ci 3% da VUP.
Z prapanovaj da prezidenta pryznačyć na 7 vieraśnia pazačarhovuju siesiju deputaty Pałaty pradstaŭnikoŭ źviarnulisia 30 červienia 2010 hoda, u apošni dzień raboty viasnovaj siesii parłamienta. Jak paviedamiŭ tady kiraŭnik parłamienckaj kamisii pa dziaržbudaŭnictvie, miascovym samakiravańni i rehłamiencie Vasil Bajkoŭ, razhlad pytańniaŭ ab biudžecie i kodeksach «daść mahčymaść arhanizacyjam i ludziam padrychtavacca da ŭvachodžańnia ŭ dziejańnie nazvanych
Zhodna z ukazam, na siesii «mohuć być razhledžanyja i inšyja pytańni». Palitołahi miarkujuć, što deputaty mohuć pryznačyć datu praviadzieńnia čarhovych prezidenckich vybaraŭ.
U adpaviednaści z Kanstytucyjaj vybary prezidenta pryznačajucca Pałataj pradstaŭnikoŭ nie paźniej čym za piać miesiacaŭ i pravodziacca nie paźniej čym za dva miesiacy da zakančeńnia terminu paŭnamoctvaŭ dziejnaha prezidenta. Prezidenckija paŭnamoctvy Łukašenki zakančvajucca 6 krasavika 2011 hoda. Takim čynam, krajni termin praviadzieńnia prezidenckich vybaraŭ — 6 lutaha 2011 hoda, a ich pryznačeńnia — 6 kastryčnika 2010 hoda. Čarhovaja siesija Pałaty pradstaŭnikoŭ adkryvajecca 2 kastryčnika.
Na dumku palitołaha Alaksandra Fiaduty, dla kiraŭnika dziaržavy vyhadna, kab vybary prajšli jašče sioleta. «U kancy hoda nie buduć zakončany pieramovy z Rasijaj pa cenach na haz.U Łukašenki ŭ hety čas budzie zachoŭvacca mahčymaść manieŭra, pakolki jon budzie mienš schilny da cisku z boku Rasii», — ličyć jon.
Akramia taho, adznačaje Fiaduta, u kancy hetaha hoda Łukašenka moža atrymać najbolšuju vyhadu z abiacanaha pavyšeńnia siaredniaj zarabotnaj płaty da 500 dołaraŭ. «Kab Łukašenka atrymaŭ ad hetaha vyhadu na vybarach, nasielnictva pavinna atrymlivać takija hrošy paru miesiacaŭ pierad hałasavańniem, a taksama miesiac paśla jaho, kab paźbiehnuć chvalavańniaŭ u chistkaj paślavybarnaj situacyi. Prosta bolš za
