Prezidenckija vybary ŭ Biełarusi projduć 19 śniežnia. Da ich zastajecca roŭna try miesiacy.
«NN» pacikaviłasia ŭ analityka Alaksandra Kłaskoŭskaha, ci dastatkova hetaha terminu, kab pravieści vynikovuju vybarčuju kampaniju.
Ekśpiert ličyć, što i tak, i nie: «3 miesiacy — termin, praduhledžany zakanadaŭstvam. Kali brać palityčny bok prablemy, to dla biełaruskaj ułady čym mienš času addajecca na kampaniju, tym lepš. Ułada zacikaŭlena ŭ depalityzacyi hramadstva. Čym mienš času na ahitacyju, rekłamu, tym lepš dla ŭłady. Heta asabliva dobra zaŭvažna padčas miascovych vybaraŭ. Łukašenka zacikaŭleny ŭ tym, kab apazicyi nie chapiła času raskrycca.
A što datyčyć apazicyi, to jana sama vinavataja — treba było raniej dumać.
Padrychtoŭku da nastupnych vybaraŭ treba pačynać paśla minułych. Biełaruskaja apazicyja iznoŭ nastupiła na staryja hrabli — niama adzinaha kandydata, stratehii. Teoryja ab tym, što čym bolš kandydataŭ, tym lepš — hłupstva. Zaraz usie resursy buduć kinutyja na zbor 100 tysiač podpisaŭ, jakija ŭsie kandydaty nie zdolejuć sabrać. I kali navat u vyniku zastaniecca adzin apazicyjny kandydat, to jon nie budzie adzinym kandydatam ad apazicyi».
Alaksandr Kłaskoŭski taksama ličyć, što ułada zacikaŭlenaja vyrašyć pytańnie prezidenckaj pasady mienavita 19 śniežnia. «Łukašenka pamiataje, jak u 1994 hodzie jon sam pieramoh u druhim tury i tamu nie dapuścić hetaha. Tady ŭsia namienkłatura za dva tydni pierajšła da jaho. Druhi tur dla Łukašenki — heta kaniec. Heta krynica natchnieńnia dla apazicyi, dadatkovaje pole hulni dla Kramla, demanstracyja słabaści ułady ŭ vačach hramadstva.
Druhi tur dla Łukašenki — heta katastrofa. Tamu ŭsio vyrašycca 19 śniežnia», — ličyć analityk.