Na minułym tydni ŭ stalicy Ŭkrainy adbyłasia pradstaŭničaja mižnarodnaja kanfierencyja na temu «10 hod tamu — zabojstva Hieorhija Hanhadze nie raskryta: Pošuk novych šlachoŭ baraćby ź biespakaranaściu». Arhanizatarami dadzienaha mierapryjemstva vystupili dźvie mižnarodnyja arhanizacyi: International Media Support i Article 19.
Byli zaprošanyja i biełaruskija pradstaŭniki, kab raspavieści pra hvałtoŭnaje vykradańnie Dźmitryja Zavadskaha i pra situacyju sa svabodaj ŚMI ŭ našaj krainie. U jakaści dakładčyka ad Biełarusi na kanfierencyi vystupiŭ jurydyčny pradstaŭnik Śviatłany Zavadskaj, juryst i pravaabaronca Hary Pahaniajła.
Jon raspavioŭ pra trahičny los Dźmitryja Zavadzkaha, pra chod jahonaj spravy, jakaja prypynienaja ŭžo z sakavika 2006 hodu i ŭ padsumavańni adznačyŭ: «Biełaruskaja demakratyčnaja supolnaść spadziajecca, što z dapamohaj mižnarodnych instancyj i Rasii nam udasca daviedacca praŭdu pra źnikłych ludziej ŭ Biełarusi». U svaim vystupie Hary Pahaniajła nahadaŭ pra źniknieńni apazicyjnych lideraŭ Juryja Zacharanki, Viktara Hančara i Anatola Krasoŭskaha, a taksama pra zahadkavyja śmierci žurnalistaŭ Vasila Hrodnikava i Vieraniki Čarkasavaj.
Na pytańnie ŭdzielnikaŭ kanfierencyi raspavieści pra śmierć žurnalista Aleha Biabienina, spadar Pahaniajła skazaŭ: «Musiać być pravieranyja ŭsie abstaviny śmierci Aleha Biabienina, bo ŭ hramadstva šmat pytańniaŭ».
Valancina Cieličenka, aficyjny pradstaŭnik Mirasłavy Hanhadze, raspaviała ab faktach zabojstva hałoŭnaha redaktara
Frederykie Bier, supracoŭnik «Mižnarodnaj amnistyi», zrabiła dakład pra chod rasśledavańnia ŭ Rasii zabojstva žurnalistki Hanny Palitkoŭskaj i adznačyła: «„Mižnarodnaja amnistyja“ budzie i nadalej uvažliva sačyć za pracesami pa pryciahnieńniu da adkaznaści vinavatych u źniknieńniach, hvałcie i śmierciach žurnalistaŭ».
Vielmi cikavym i karysnym dla ŭdzielnikaŭ kanfierencyi byŭ dakład hościa ź Mieksiki spadara Rykarda Hansalesa. U hetaj krainie vielmi niebiaśpiečnaja kryminahnnnaja situacyja z pryčyny taho, što dziaržava abjaviła vajnu arhanizavanaj złačynnaści. Mienavita ad arhanizavanaj złačynnaści ŭ Mieksicy i sychodzić asnoŭnaja pahroza dla žurnalistaŭ. Ad ruk bandytaŭ tut z 2006 hodu zahinuła 12 žurnalistaŭ. Ale ad kaho b ni sychodziła pahroza, u pravaabaroncaŭ musić być abjadnanaja taktyka.
Naprykancy kanfierencyi pa Skajpie vystupiła Mirasłava Hanhadze, ŭdava Hieorhija Hanhadze. Jana adznačyła, što jaje siamji vielmi dapamahła ŭvaha mižnarodnych arhanizacyj. Ale spadarynia Hanhadze musiła pryznać:
«Na žal, pakul nie isnuje dakładnych mižnarodnych miechanizmaŭ suprać złačynstvaŭ, jakija ździajśniajucca ŭ dačynieńni da žurnalistaŭ.
I tamu siońnia jość nahoda sabracca ŭsim suśvietnym arhanizacyjam i vypracavać praviły abarony žurnalistaŭ. Bo mienavita žurnalisty stajać u pieršym šerahu baraćby z karupcyjaj».
Varta adznačyć, što z padtrymkaj i vitalnym słovam da ŭdzielnikaŭ dadzienaj kanfierencyi vystupili takija dziaržaŭnyja asoby, jak Nina Karpačova — upaŭnavažanaja Viarchoŭnaj Rady Ŭkrainy pa pravach čałavieka i Sabina
Padsumavańniem kanfierencyi pasłužyła sumiesnaja zajava ab baraćbie ź biespakaranaściu, źviazanaja z zabojstvami žurnalistaŭ u Biełarusi, Rasii i Ŭkrainie, u jakoj adznačajecca, što napadzieńni na žurnalistaŭ — heta nie tolki zamachi na pravy samich žurnalistaŭ, ale i zamachi na prava kožnaha čałavieka atrymlivać infarmacyju i idei.
Viečieram taho ž dnia na hałoŭnaj płoščy stalicy Ŭkrainy adbyŭsia pikiet, udzielniki jakoha trymali vialikuju raściažku z tekstam «Hieorhij — my nie zabyli. Zamoŭnikaŭ zabojstva za kraty». Naturalna, što takija pikiety musiać svabodna i bieśpieraškodna adbyvacca jak i ŭ Biełarusi, tak i ŭ Rasii. Ale pakul tolki ŭkraincy zavajavali mahčymaść karystacca zakonnym pravam, jakoje harantujuć Kanstytucyi našych troch krain: «Kožny hramadzianin maje prava na svabodu mirnych schodaŭ».
