Rasiejska-hruzinski kanflikt dajšoŭ da kropki. Dakładniej, da “kropki ru”. Śledam za palitykami dy milicyjantami “vajnu” hruzinam abjavili kamputarniki, jakija dajuć karystalnikam hostynh (miescy dla ŭeb-sajtaŭ) dy inšyja internetavyja pasłuhi.
Adna viadomaja ŭ šyrokich kamputarnych kołach rasiejskaja hostyhavaja kantora vyviesiła na svajoj ŭeb-staroncy zvarot: “Naš ŭeb-hostynh sajtaŭ užo nia raz paćviardžaŭ svaju hramadzianskuju pazycyju. Siońnia (03.10.2006) radaj dyrektaraŭ kampanii było vyrašana admovicca ad akazańnia našych pasłuhaŭ hramadzianam Hruzii”.
Patryjatyčna nastrojenyja pravajdery ŭžo admovili ŭ supracoŭnictvie šasnaccaci internet-resursam, jakija naležać hramadzianam Hruzii, dvum pryvatnym raspracoŭnikam sajtaŭ, a tasksama adnoj hruzinskaj ŭeb-studyi. Eks-klijentam virtualnych patryjotaŭ zastałosia adno suciašeńnie: im chacia b viarnuli ŭsie niavydatkavanyja na absłuhoŭvańnie sajtaŭ srodki.
Jak asabliva adznačaje palityčna padkavany pravajder, termin dziejańnia sieciŭnaha bajkotu hruzinam nie abmiežavany. I hetaje rašeńnie adrazu vyklikała patok hnieŭnych vodhukaŭ u internet-supolnaści: “Ja nikoli nia budu karystacca vašymi pasłuhami. I druhim nie paraju”, “Vaš hostynh dla mianie pamior nazaŭsiody”, “Miarzotny ŭčynak”. I heta tolki samyja cenzurnyja z dopisaŭ, jakimi zakidali firmu kasmapality-internaŭty.
Jak skazali “MK” ŭ samoj kampanii, da ich navat pastupali pahrozy, što jany “nie dažyvuć da zimy”. Praŭda, znajšlisia i tyja, chto ŭchvaliŭ sieciŭnuju blakadu Hruzii j nazvaŭ jaje “vartaj pavahi”. Kali kiraŭnictva kampanii zrazumieła, jaki ad blakady atrymaŭsia rezanans, to vyrašyła zrabić “papraŭku na viecier”: maŭlaŭ, z hruzinami, jakija nie viaduć “antyrasiejskuju palityku”, supracoŭnictva budzie praciahnutaje. Praŭda, krytery lajalnaści dla hruzinaŭ u internecie pakul nie abnarodavanyja.
