Rasiejskija i amerykanskija navukoŭcy atrymali novy – 118-ty – zvyšciažki element peryjadyčnaj systemy Miendzialejeva. Daśledčyki śćviardžajuć, što jadro novaha elementa ŭtvaryłasia ŭ vyniku bambavańnia mišeni z kaliforniju-249 atamami kalcyju-48. Pieršyja śviedčańni paśpiachovaha syntezu byli atrymanyja jašče ŭ 2002 hodzie, adnak tady źviestak akazałasia niedastatkova dla adnaznačnaha paćvierdžańnia pośpiechu. Ciapier eksperyment udałosia paŭtaryć i sabrać dadatkovyja śviedčańni taho, što element 118 nasamreč byŭ atrymany.
Miarkujecca, što hety element (časovaja nazva – «ununokcij» (Ununoctium) ci «eka-radon», jahonaje jadro maje, adpaviedna, 118 pratonaŭ) zojmie miesca ŭ samym kancy peryjadyčnaj tablicy Miendzialejeva. Rasiejskija navukoŭcy jašče niekalki hadoŭ tamu, kali pačałasia padrychtoŭka da eksperymentaŭ, prapanavali nazvać jaho «maskovij». Ale kančatkovaje rašeńnie musić pryniać Mižnarodny sajuz tearetyčnaj i prykładnoj chimii.
Fota WebElements
