Zbornaja Biełarusi prajhrała ŭ matčy za bronzavyja miedali kamandzie Ispanii na čempijanacie śvietu pa baskietbole ź likam 68:77 (15:28, 19:13, 19:21, 15:15) i zaniała4-je miesca.
Pieršaja čverć była absalutna pravalnaj dla biełarusak, našy sastupali minus 13, druhuju čverć padapiečnyja Anatola Bujalskaha vyjhrali +6, a ŭ treciaj
skaracili adstavańnie da minus 1 (45:46)¸
ale dastać tak i nie zmahli: ispanki chucieńka ŭziali siabie ŭ ruki.
Biełaruski zmahalisia da apošniaha da apošnich siekundaŭ, ale, vidać, subotni pajadynak z češkami i sudździami zabraŭ zabahata fizičnych i maralnych siłaŭ.
4-je miesca na čempijanacie śvietu — vialiki pośpiech biełaruskich dziaŭčat,
što debiutavali na suśvietnym pieršynstvie. Biełaruski pakinuli za saboj mocnyja kamandy Aŭstralii i Rasii i samo saboj pretendujuć na zvańnie najlepšaj kamandy Biełarusi 2010 hoda. Dyj biełaruski stali stali adkryćciom čempijanatu śvietu.
Cikavaść da baskietboła ŭ hetyja dni vyrasła ŭ Biełarusi ŭ razy, i pakazalna toje, što materyjały piatnicy i suboty pra matčy biełarusak byli samymi čytanymi ŭ nas na sajcie.
Samalot ź biełaruskaj zbornaj - Natalla Anufryjenka, Śviatłana Valko, Anastasija Vieramiejenka, Viktoryja Haśpier, Julija Durejka, Maryna Kres, Alena Leŭčanka, Taćciana Lichtarovič, Natalla Marčanka, Alaksandra Tarasava, Taćciana Troina, Natalla Trafimava, hałoŭny trenier Anatol Bujalski —
pryziamlicca ŭ Nacyjanalnym aeraporcie «Minsk» ŭ paniadziełak, u 16:30 (rejs ź Vieny).
